‘Finisterrae III’, o novo supercomputador de Galicia 6 veces máis potente

Xunta, Ministerio e CSIC asinan o convenio para poñer en marcha a nova máquina do CESGA, que dará servizo no 2021 entre as máis avanzadas de España

Cando a ciencia en Galicia precisa potencia de computación para correr grandes modelos numéricos e complicados logaritmos non ten dabondo cos ordenadores de facultades e centros de investigación. Necesitan máquinas con altas capacidades e a referencia no país é o Centro de Supercomputación de Galicia (CESGA), no que participa o Estado a través do CSIC, a Xunta e as tres universidades galegas. Máis de 3.000 artigos de investigación, 240 teses e 1.200 contribucións científicas en congresos é o balance do que ten achegado o CESGA dende a súa fundación en 1993.

Daquela, o seu primeiro supercomputador chegou cando Internet aínda se abría camiño no mundo. Calquera móbil actual ten maior capacidade de cálculo que a primeira máquina, o Finisterrae I,  que se situou entre as 150 estruturas de maior potencia do mundo. E, durante uns meses, chegou a ser a máis potente de España, logo superada polo Mare Nostrum instalado en Cataluña.

Publicidade

Tras diversas actualizacións, no ano 2015 chegou o Finisterrae II, moito máis potente. E seis anos máis tarde, no 2021, o CESGA dará un novo paso, co Finisterrae III, que multiplicará por seis a capacidade de supercomputación.

O investimento no Finisterrae III supera os 7 millóns de euros e estará en servizo no 2021

A nova estrutura xa está licitada. Chega grazas a un triple acordo: o Ministerio de Ciencia e Innovación achega 5,6 millóns nos que se conta a aportación do Fondo Europeo de Desenvolvemento Rexional (Feder). Pola súa banda, a Axencia Galega de Innovación (GAIN) da Xunta achegará sobre un millón de euros, e o Consello Superior de Investigacións Científicas (CSIC), outros 350.000 euros.

Publicidade

O pasado venres, o Goberno galego aprobou o novo convenio co seu investimento total de 7 millóns de euros que convertirá ao Finisterrae III nun dos máis grandes supercomputadores de España. O reto é axudar aos centros de investigación e ás empresas para adoptar novas técnicas de intelixencia artificial e Industria 4.0

Esta renovación permitirá alcanzar os 2 petaflops, o que se traduce en, como mínimo, multiplicar por seis a velocidade de computación da infraestrutura actual, a segunda máis potente de España. A capacidade utilizarase principalmente para o procesado de datos. Este cambio dotará de maior alcance a proxectos que xa se desenvolven no CESGA, e que requiren gran potencia de tratamento de datos, relacionados coa secuenciación de xenomas, a predición meteorolóxica e oceanográfica e o deseño de novos materiais, por exemplo.

1 comentario

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Galicia, clave no novo proxecto europeo para explorar unha das forzas fundamentais da natureza

O IGFAE e o CESGA participarán na iniciativa internacional HADRON-2030 poñendo a disposición o seu Quantum Computing Lab

Un proxecto galego permitirá que os bancos actualicen a súa criptografía sen cambiar os sistemas de pago

Qryption é unha iniciativa do centro tecnolóxico Gradiant pola que poderán centralizarse os sistemas criptográficos financeiros nun só punto de xestión, co apoio do programa Ignicia da Xunta de Galicia

Nace unha app de ciencia cidadá para o seguimento da agresiva alga asiática presente en Galicia

A ferramenta deseñada polo CSIC busca mellorar o coñecemento dunha especie invasora que apareceu nas costas galegas en 2024

O CSIC liderará a recuperación e musealización das singulares salinas romanas do Aguncheiro

A intervención permitirá escavar 300 metros cadrados, consolidar as estruturas e abrir o singular complexo da época imperial ás visitas