O acordo con Novavax sitúa a Zendal como a primeira empresa española en entrar no proceso de fabricación de vacinas contra o coronavirus. Foto: Zendal.
O acordo con Novavax sitúa a Zendal como a primeira empresa española en entrar no proceso de fabricación de vacinas contra o coronavirus. Foto: Zendal.

Zendal capta técnicos para fabricar a vacina do coronavirus no Porriño

A compañía está en proceso de captación de 35 titulados en bioloxía, farmacia, laboratorio, análise clínico, patoloxía e diagnose

Búscanse técnicos con formación en carreiras científicas para a produción no Porriño da vacina da compañía Novavax. O grupo biotecnolóxico Zendal comezou unha campaña de captación de persoas formadas en bioloxía, farmacia, laboratorio, análise clínico, patoloxía e diagnose, cunha oferta de 35 vacantes na súa planta porriñesa.

“Queres unirte a unha empresa líder no desenvolvemento farmacéutico?”, di a oferta laboral que está activa dende a pasada semana e que canaliza a empresa Nortempo, para Zendal “empresa galega multinacional, pioneira en produción e desenvolvemento de vacina contra o coronavirus”.

A campaña de captación de técnicos en ciencias da saude inclúe un plan de formación remunerada e a incorporación á empresa durante un ano. “Únete a unha gran empresa que está a cambiar o mundo!”, di Nortempo na súa oferta colectiva de emprego.

A empresa Biofabri, filial do grupo biofarmacéutico Zendal, con sede no Porriño, converterase na primeira compañía española en formar parte do proceso de fabricación dunha vacina contra a Covid-19, tras acadar un acordo coa compañía Novavax para a produción industrial do antíxeno que utilizará na vacina contra a Covid-19, que actualmente se atopa na fase II de ensaios clínicos, o que a sitúa como unha das 12 máis avanzadas no planeta, segundo a OMS.

O contrato expón que Biofabri será a encargada para a Unión Europea da produción da vacina deseñada pola farmacéutica con sede en Gaithersburg, ao noroeste de Washington. Estímase que, unha vez completada a actual etapa, Novavax inicie a fase III no último treito de 2020.

O acordo supón “un importante reto” para Zendal, en palabras da propia empresa galega, “xa que se pon á cabeza das compañías biotecnolóxicas ao ser a única española ata o momento en entrar no proceso de fabricación dunha das vacinas nas que se traballa para previr o SARS-Cov-2, e facelo ademais a nivel europeo”.

Zendal intégrase nunha alianza mundial para a fabricación da vacina da Covid-19

Actualmente, outra das filiais do grupo, CZ Vaccines, mantén abertas liñas de traballo relacionadas co SARS-COV-2. E no caso de Biofabri tamén se está explorando a posibilidade de que a MTVBAC, unha vacina contra a tuberculose impulsada xunto á Universidade de Zaragoza, teña capacidade de facer fronte ao novo coronavirus. A MTVBAC é outro dos proxectos relevantes impulsados desde O Porriño, e comezará a fase III dos ensaios clínicos a principios do 2021.

O grupo Zendal é un grupo biofarmaceútico formado actualmente por 6 empresas, todas enmarcadas no sector da biotecnoloxía e vacúas para saúde humana e animal: CZ Vaccines, Biofabri, Vetia, Petia Animal Health, Zinereo Pharma e Probisearch.

A vacina de Novavax

A candidata da empresa estadounidense, de nome NVX-CoV2373, está deseñada a partir da secuencia do propio coronavirus SARS-CoV-2, e usa unha tecnoloxía de nanopartículas recombinantes para xerar os antíxenos derivados da proteina S (spike ou espícula) do virus. Contén un adxuvante patentando pola propia empresa que estimula a resposta inmune do organismo e o desenvolvemento de anticorpos neutralizantes. Nos ensaios preclínicos, demostrou unha boa resposta de tolerancia e de xeración de anticorpos, superiores ás observadas no plasma de convalecentes humanos. inmunización fronte á pandemia.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.