Un novo test sanguíneo detecta o cancro de forma temperá grazas á aprendizaxe automática

Esta biopsia líquida consegue analizar cambios químicos en anacos de ADN no sangue para localizar e detectar tumores de fígado, colon, estómago e pulmón en fase inicial

No sangue hai rastros que, cunha interpretación axeitada, poden adiantar de forma moi temperá a aparición de cancros. Esa é a base sobre a que un grupo de investigación da Universidade de California en Los Ángeles acaba de desenvolver un novo test sanguíneo co que detectar e ubicar cancros de cólon, de fígado, de pulmón e de estómago antes de que sexan letais. O principal obxectivo deste grupo de científicos é conseguir previr as metástases e, polo de agora, semella que van no camiño certo.

Este tipo de biopsias líquidas son un método vangardista dentro do eido da detección de cancros, aínda que, polo de agora, cunha escasa aplicación práctica nos centros sanitarios. Segundo o artigo publicado esta semana na revista Nature Communications, un dos principais problemas para esta limitación de uso destas probas é que unha mesma proba apenas pode detectar de forma paralela varias mutacións no ADN desas células tumorales.

Publicidade

Por iso, este novo traballo de investigación pode mudar os marcos de aplicación dos testes sanguíneos, xa que conleva un custo moito menor que outras biopsias líquidas comparables. Ademais, como explican nas conclusións do paper, acadaron unha alta fiabilidade. Baséase na secuenciación rendible do metiloma do ADN. É dicir, o proceso químico polo que se introducen un ou máis radicales de metilo no ADN coa fin de controlar a expresión dos xenes.

Resultados do primeiro estudo en pacientes

Os investigadores aplicaron o seu test a 408 pacientes con cancro de colon, fígado, pulmón e estómago, con una especificidade (capacidade de distinción do cancro do que non o é) do 97,9 %. Acadaron unha sensibilidade do 80,7 % e o 74,5 % para detectar cancro en tódalas etapas e cunha precisión do 89,1 %. Tamén lograron unha capacidade do 85,0 % para localizar texido de orixe del cancro en tódalas etapas. “O noso enfoque retén de maneira rendible os perfís de metiloma das anomalías do cancro, o que nos permite aprender novas características e expandirnos a outros tipos de cancro a medida que crecen as cohortes de capacitación”, argumentan no artigo de Nature.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha vacina de ARNm reprograma o sistema inmune para atacar o cancro cerebral máis letal

O avance dun grupo de investigadores da Universidade de Florida probarase nun ensaio clínico pediátrico contra o glioblastoma

Un proxecto da UVigo sérvese da IA para mellorar a detección de cancro colorrectal

A rede AI4PolypNet está formada por oito grupos de investigación de Galicia, Estremadura, País Vasco e Cataluña

Os casos de cancro de próstata duplicaranse en 2040

Un informe publicado na revista 'The Lancet' estima que en menos de dúas décadas haberá 2,9 millóns de pacientes con este tumor

“Con suficiente investigación, a maioría dos cancros poderanse tratar na década de 2040”

Jesús Sánchez, responsable de proxectos na Fundación CRIS, asegura que as terapias CAR-T foron unha revolución no tratamento dos tumores do sangue