Luns 27 Maio 2024

Un equipo do CHUAC extirpa por primeira vez un cancro de páncreas con tecnoloxía robótica

A paciente foi unha muller de 60 anos, que evoluciona de forma "moi satisfactoria" no seu domicilio

Os membros do equipo de cirurxía xeral do Complexo Hopitalario Universitario da Coruña (CHUAC) extirparon por primeira vez en Galicia un cancro de páncreas con tecnoloxía robótica. A paciente é unha muller de 60 anos, que foi dada de alta e evoluciona de forma “moi satisfactoria” no seu domicilio, segundo informaron fontes hospitalarias.

O médico adxunto do servizo de cirurxía xeral do CHUAC Javier Aguirre explicou que esta operación, chamada duodenopancreatectomía cefálica, é a técnica cirúrxica “máis complexa” de toda a patoloxía hepato-biblio-pancreática. O doutor sinalou que “normalmente” se realiza mediante cirurxía convencional aberta e de “forma máis excepcional”, con lamparoscopia

Publicidade

Ventaxes do emprego do robot Davinci

Nesta ocasión, o equipo do CHUAC utilizou as vantaxes que proporciona o robot Davinci para levar a cabo esta técnica por primeira vez en Galicia. Aguirre destacou que este aparello “magnifica até dez veces o campo visual”, ofrece unha visión “fantástica e moi estable” e elimina “totalmente” o tremor das mans do cirurxián.

Outra das vantaxes máis importantes do robot, segundo recalcou o doutor, é a capacidade de xiro de “case 360 graos” das súas pinzas. Esta robotización da cirurxía lamparoscópica pódese aplicar en calquera das cirurxías endoscópicas. No caso do CHUAC, optaron por aplicala nas de alta complexidade como a de cancro colorrectal, dixestivo ou pancreático.

Imprimir

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O fentanilo non é novo en Galicia: “O seu consumo vai ligado a outras drogas"

O CHUAC non observa unha repunta dos casos, aínda que se rexistran de maneira ocasional en persoas intoxicadas tamén por heroína e cocaína

Unha vacina de ARNm mostra resultados prometedores contra o cancro de páncreas

Unha ensaio clínico en fase 1 administrou a terapia a 16 persoas xunto con cirurxía, quimioterapia e outro tipo de inmunoterapia

Un proxecto galego para tratar o cancro de páncreas recibe 1,8 millóns de euros

A iniciativa IMPANC pretende avanzar no estudo dunha alternativa terapéutica nova e eficaz que mellore a vida dos doentes

Investigadoras do CSIC proban unha terapia ultrasónica contra o cancro de páncreas

O estudo abre a porta ao desenvolvemento de novos tratamentos non invasivos para tumores sen danos colaterais para os pacientes