Ordes, Melide e Monforte ficarán en nivel máximo de restricións

Máis dunha vintena de concellos quedarán no nivel alto debido a que aínda se mantén neles unha importante transmisión do coronavirus nas últimas semanas

Os cribados realizados nalgúns concellos despois das celebracións de verán fixeron agromar unha notable transmisión,
Os cribados realizados nalgúns concellos despois das celebracións de verán fixeron agromar unha notable transmisión,

A Consellería de Sanidade informou neste serán, ao concluír a reunión do comité clínico que asesora á Xunta de Galicia no seguimento da pandemia da Covid-19, que os concellos de Ordes, Melide e Monforte de Lemos, estarán a partir da medianoite do venres ao sábado no nivel máximo de restricións, que conleva o peche do interior dos locais de hostalaría e limitacións de capacidade nos exteriores. Deste xeito, Melide, con 114 positivos detectados nas últimas dúas semanas e 73 a sete días, súmase aos dous concellos que xa están desde a pasada semana no limiar de maior alerta, ao sumar máis de 200 casos, cunha incidencia acumulada por riba de 500/100.000 habitantes, nas últimas dúas semanas.

Do mesmo xeito, o comité clínico acordou que rexerá o nivel alto de restricións para os concellos de Agolada, Arzúa, Lalín, O Pino, Trazo, Curtis, Cee, Cerceda, Muxía, Antas de Ulla,  Monterroso, Palas de Rei, Vilalba, A Pastoriza, Castro de Rei, Meira, O Saviñao, A Pobra de Trives, Viana do Bolo, Ares e A Cañiza.

As medidas do nivel medio estableceranse nos municipios da Coruña, Arteixo, Cabana de Bergantiños, Carballo, Corcubión, Malpica de Bergantiños, Oleiros, Oza-Cesuras, Ponteceso, Zas, Aranga, Betanzos, Camariñas, Fisterra, Santa Comba, Silleda, Boimorto, Frades, Muros, Noia, Santiso, Tordoia, Ferrol, Chantada, Lugo, Outeiro de Rei, Baralla, Cospeito, Taboada, A Rúa, Ourense, O Barco de Valdeorras, Verín, Bueu, Poio, Sanxenxo, Gondomar, Pazos de Borbén, Ponteareas, Redondela e Nigrán. Deste xeito, as cidades de Vigo, Santiago e Pontevedra pasan ao nivel medio-baixo, xunto ao resto de concellos galegos.

Segundo os datos achegados este martes polo Ministerio de Sanidad, a IA a 14 días en Galicia é de 259,04 casos/100.000 habitantes a 14 días, e baixa a 105,98 na última semana. Os casos concéntranse sobre todo no grupo de poboación de 12 a 29 anos, cunha IA por riba de 600. Desde o comezo da pandemia faleceron en Galicia 2.566 persoas por mor da Covid-19. Segundo detallou o Sergas, con datos pechados na tarde do luns, hai 169 persoas ingresadas polo coronavirus e outras 55 estás nas UCIs dos hospitais galegos.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.