Únete á nosa canle de Whatsapp
NOTA: Estes datos son os oficiais transmitidos pola Xunta, o Goberno e outras CCAA.
Á espera de que o maior esforzo das autoridades sanitarias na realización de probas xere un aumento de casos confirmados polo coronavirus SARS-CoV-2, a Xunta de Galicia, o Ministerio de Sanidad e o resto das comunidades autónomas difundiron este xoves unha nova actualización das cifras respecto das persoas afectadas. Así, segundo a información difundida pola consellería de Sanidade, coa “última actualización” son 444 as persoas.
En todo caso, a novidade respecto ás anteriores novas é o falecemento doutra persoa afectada polo coronavirus SARS-CoV-2 en Galicia, a quinta desde que comezou a crise. Trátase dun home de 75 anos que estaba ingresado na UCI da Coruña e que “padecía varias patoloxías previas”. Sanidade lembra tamén que ata o momento se produciron catro altas.
Destas persoas, tres cuartas partes (330) están no seu domicilio. 15 delas permanecen na UCI e 99 están en unidades de hospitalización. A Xunta difundiu o mércores a última cifra da cantidade de probas PCR realizadas: 2.614.
Tendo en conta as cifras achegadas pola consellería de Sanidade, 136 son da área sanitaria da Coruña-Cee, 36 da de Lugo-A Mariña-Monforte, 46 da de Ourense-Verín-O Barco de Valdeorras, 59 están na de Pontevedra-O Salnés, 84 na área de Vigo, 68 na de Santiago-Barbanza, e 15 na de Ferrol. Así se distribúen no mapa (tendo en conta que existen casos confirmados non só nas sete cidades, senón tamén noutros concellos de Galicia).
En España, con todas as reservas arredor da situación en lugares como Madrid (onde xa se seguen desde o domicilio a miles de posibles casos), as cifras achegadas polo Ministerio de Sanidad falan de máis de 17.000 positivos confirmados. Con todo, unha das cifras positivas no medio da crise foi o incremento de persoas curadas en Madrid, con preto de 1.000.
En Portugal, esta é a situación por rexións, tal e como amosa a Direção Geral da Saúde Pública:
E así está a situación no resto do planeta, segundo os datos que facilita a plataforma Datawrapper:
No marco das recomendacións que ven difundido a Consellería de Sanidade nos últimos días, insístese no uso do número 061 só para emerxencias ou casos graves e aconsella utilizar o número gratuíto do 900 400 116 para consultar dúbidas ou síntomas leves de coronavirus SARS-CoV-2. Ademais, está a disposición da cidadanía un portal web con información a diversos colectivos, así como un autotest.
Máis info:
O xenoma do SARS-CoV2 demostra que non puido crearse nun laboratorio
Acabo de lelo noutro artigo voso.
Sars…seria o virus e covid 19 a enfermidade.
Graciñas e noraboa.
Covid 19 e SARS-CoV 2…son sinónimos?
A que vén esta denominación cando a máis espallada é Covid 19? Acaso é incorrecta?.
Saúdos e a coidarse.