Instalacións da empresa Biofabri, do grupo Zendal, no Porriño.
Instalacións da empresa Biofabri, do grupo Zendal, no Porriño.

O Goberno achega a Zendal preto dun millón de euros na busca da vacina da Covid-19

O grupo, con base no Porriño, mantén abertas varias liñas de investigación para atopar vías de inmunización contra o SARS-CoV-2

O Ministerio de Ciencia e Innovación aprobou a semana pasada o primeiros sete proxectos da convocatoria extraordinaria para a Covid-19 que subvencionará con 12 millóns de euros as iniciativas empresariais de I+D e investimento dedicadas ao incremento de produción de material de emerxencia, mellora do tratamento e diagnóstico da enfermidade e implantación de medidas de saúde pública. A liña de financiamento, xestionada polo Centro para o Desenvolvemento Tecnolóxico Industrial (CDTI), concedeu na súa primeira resolución 2,9 millóns de euros, dos que máis de un teñen como destinatario ao grupo Zendal, con base na localidade do Porriño, e que mantén abertas varias investigacións para buscar unha vacina fronte á infección causada polo SARS-CoV-2.

O fondo extraordinario financiará os proxectos das empresas CZ Veterinaria e Biofabri. No primeiro dos casos, achegaranse 499.807 euros para a proposta “Desenvolvemento dunha vacina fronte ao coronavirus mediante a expresión da proteina S no virus vaccinia modificado de Ankara”. No referente a Biofabri, financiarase o “Desenvolvemento dunha vacina de ADN fronte ao Coronavirus SARS-CoV-2” con 486.420 euros. A achega do CDTI supón arredor dun 80% do total do orzamento dos proxectos.

O grupo Zendal está a investigar nos últimos meses se a vacina contra a tuberculose MTBVAC, deseñada por Biofabri e a Universidad de Zaragoza, podería ser útil fronte ao virus, para o que recibiu financiamento do Instituto Carlos III. Por outra banda, Zendal tamén prestou apoio á investigación que lidera desde Santiago de Compostela o científico José Martínez Costas, que xa está a traballar, con fondos tamén achegados polo ISCIII, cunha metodoloxía patentada na universidade compostelá na procura dunha vacina.

Zendal súmase desde O Porriño á procura dunha vacina para o coronavirus

Ademais das dúas empresas do grupo Zendal, a primeira resolución establece apoios ás empresas DNT NONWOVEN FABRICS S.A., PREMO SAU, VIRALGEN VECTOR CORE SL, HERSILL, S.L. e OIARSO, S. COOP. LTDA. Dos proxectos aprobados, tres realizarán investigacións e investimentos produtivas no ámbito das vacinas contra a Covid-19, dous presentan desenvolvementos para sistemas de ventilación asistida (respiradores) e os dous últimos están relacionados coa fabricación de produtos sanitarios de protección (máscaras).

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.