Sábado 13 Xullo 2024

Este é o cronómetro da vacinación en Galicia: así avanza a campaña

O Sergas difunde as cifras diarias da vacinación en cada grupo de idade e nos colectivos prioritarios, no día que se supera o millón de doses inxectadas

A Consellería de Sanidade da Xunta de Galicia comezou a difundir este martes, tal e como avanzara hai semanas o conselleiro Julio García Comesaña, a actualización diaria da campaña de vacinación contra a Covid-19. A información ponse a disposición da cidadanía no día no que se superou o limiar do millón de doses administradas á poboación galega. Máis do 9,7% da poboación (262.603 persoas) teñen xa a pauta completa para desenvolver inmunidade fronte as formas graves da Covid-19.

Unha das novidades da información difundida desde o Sergas é o detalle dos grupos quinquenais de idade, datos non dispoñibles ata agora na actualización diaria do Ministerio de Sanidad, que era a única fonte oficial que achegaba estes rexistros. Así, ofrécese o número de persoas vacinadas con polo menos unha dose en función do sexo:

Publicidade

De acordo ás cifras de poboación en 2020 que achega o Instituto Galego de Estatística, é posible observar a cobertura da vacinación na poboación que xa recibiu, polo menos, unha dose do fármaco contra a Covid-19:

A información do Sergas tamén detalla o avance da campaña en cada un dos grupos prioritarios de vacinación establecidos na estratexia acordada polo Ministerio de Sanidad e as comunidades autónomas:

Publicidade

Alén disto, Sanidade expón o calendario no que se iniciou o proceso de vacinación en cada grupo de idade. Actualmente está activo o proceso nas persoas dependentes non institucionalizadas, nas que se priorizará a gravidade e vulnerabilidade, o mesmo que nas persoas con condicións de alto risco polas súas enfermidades. Respecto á idade, mantéñense tamén activas as campañas nas persoas de 80 ou máis anos e os grupos de 60 a 65 a 70 a 79 anos, nas que o criterio a seguir é o de idade. É inminente, despois de que se acordase estender a vacinación coa fórmula Vazxrevia (AstraZeneca-Oxford) ata os 69 anos, que comece tamén o proceso no grupo de 65 a 69 anos, que na actualidade é o que menor cobertura ten nas persoas maiores de 70 anos.

O Sergas considera finalizado o proceso nas persoas institucionalizadas, no persoal sanitario e sociosanitario de primeira liña (aínda que parte deles, como se observa no gráfico, teñen pendente recibir a segunda dose), e outro persoal sociosanitario con prioridade na campaña.


A información está dispoñible nesta ligazón.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

O lado escuro dos ‘influencers’: a publicidade de produtos que quere evitar Sanidade

Os galegos Guillermo Carracedo e Sara Seco apoian o novo proxecto de lei, que restrinxirá a promoción de artigos sanitarios nas redes sociais

O Sergas vacinará a 15.000 nenos cunha dose máis eficaz contra a bacteria da meninxite

Sanidade decide incrementar a inmunización dos meniños de dous anos xa vacinados cunha protección catro veces maior

Gripe H5N1: a próxima pandemia?

Unha variante do virus, presente dende 2020, está a causar mortalidades nunca vistas en aves, tanto domésticas como silvestres

Sanidade intensifica a vixilancia da tosferina, con 241 casos no que vai de ano

A maior concentración de diagnósticos actuais dáse en idades escolares, sobre todo na franxa de 10-14 anos