Sanidad priorizará vacinar a 350.000 persoas polas súas enfermidades

Enfermos de cancro, en diálise, con VIH ou outras doenzas terán prioridade e comezan agora a fase de vacinación preferente

Ábrese de novo o debate sobre a pertinencia da vacinación obrigatoria.
Ábrese de novo o debate sobre a pertinencia da vacinación obrigatoria.

Os pacientes con cancro, trasplantados, con VIH, en diálise ou con algún tipo de inmunodeficiencia primaria recibirán antes a vacina contra o coronavirus, segundo a nova estratexia actualizada presentada polo Ministerio de Sanidad este martes. A medida pretende priorizar a todos aquelas persoas con importantes patoloxías, de xeito que o ministerio contabiliza uns 355.000 casos prioritarios en toda España. Tamén se adianta a inmunización dunhas 10.000 persoas con síndrome de Down de máis de 40 anos.

O Goberno establecera desde o inicio da vacinación un plan cos grupos prioritarios para recibir as vacinas cando estean dispoñibles. Así, o primeiro foron os anciáns en residencias e o persoal que lles atendía. Máis tarde, seguiron os sanitarios e outros traballadores esenciais xunto as persoas de máis de 80 anos, que en Galicia o Sergas calcula que o vindeiro luns 5 de abril estarán vacinados na súa totalidade.

Agora, o documento actualizado sinala o novo grupo que será inmunizado, composto por persoas vulnerables con determinadas patoloxías ou riscos especiais. As 355.000 persoas que Sanidade considera de “moi alto risco” poderán vacinarse nos seus centros de saúde habituais. A súa inmunización realizarase de xeito paralelo á do grupo de idade de 70 a 79 anos, se non lles corresponde antes por idade. Utilizarase calquera das vacinas autorizadas, aínda que se prima o uso das de ARN, como as de Pfizer ou Moderna, con “a finalidade de alcanzar a maior protección nun período de tempo menor”.

O Goberno xa establecera en versións anteriores do documento que quen padecese algunhas enfermidades de risco terían prioridade, pero esta nova actualización contabiliza o número de persoas ás que afecta a medida e cataloga de xeito sistemático quen son os vulnerables prioritarios por este tipo de riscos. Todos estes pacientes, xunto con 10.000 persoas con síndrome de Down maiores de 40 anos, constitúen o chamado grupo 7, dos 9 que xa hai definidos. É o grupo de menores de 60 anos con enfermidades de alto risco.

Entre os enfermos de alto risco aos que se dá prioridade, os grupos máis numerosos son as 170.000 persoas con cancro de órgano sólido, os 64.000 pacientes con enfermidades oncohematolóxicas e os 60.000 con transplantes de órganos (ou á espera dos mesmos). Tamén se inclúen 28.700 persoas con tratamento renal sustitutivo (hemodiálise e diálise peritoneal).

“Ademais do risco elevado, que é o factor máis importante considerado na priorización, tívose en conta tamén a accesibilidade e o número de persoas total que supón cada un dos diferentes grupos de moi alto risco”, sinala a estratexia.

Aquí podes consultar o documento da nova versión actualizada da Estratexia de Vacinación do Ministerio de Sanidade

 

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.