Xoves 23 Maio 2024

Case 30 concellos seguirán con restricións a partir do luns por mor da Covid-19

O subcomité clínico mantén a Beade en nivel máximo, 10 municipios no limiar de limitacións altas e outros 18, no nivel medio

O subcomité clínico que avalía a situación da pandemia da Covid-19 en Galicia decidiu, na súa reunión deste venres, manter a Beade como único concello no nivel máximo de restricións. Así, a partir da medianoite do domingo ao luns (cando entrarán en vigor as medidas anunciadas hoxe despois da súa publicación no Diario Oficial de Galicia), Beade manterase o peche perimetral, a prohibición das reunións entre persoas non conviventes (agás excepcións contempladas pola normativa), e o peche da hostalaría.

No seguinte nivel, o alto, quedarán Maside, Vilardevós, Cortegada, Abegondo, Ortigueira, O Saviñao, Baiona, Sanxenxo, Pazos de Borbén e Padrenda. Neles a hostalaría só estará aberta nas terrazas, ao 50%, e amplíase o seu horario ata as 21 horas. Permitiranse as reunións de catro persoas en espazos interiores e de seis no exterior, coa mesma prohibición xeral das reunións de non conviventes nos domicilios que rexe desde a semana pasada.

Publicidade

No nivel medio estarán a partir do luns os municipios de Arteixo, Bergondo, Betanzos, Boimorto, Camariñas Cangas, O Carballiño, Carral, Celanova, A Coruña, Culleredo, A Laracha, Laxe, Neda, Pantón, Ribadavia, Sober e Xinzo de Limia. As reunións con non conviventes, no mesmo caso que nos tres niveis de menores limitacións, permitiranse sempre que non sexa no domicilio, con catro persoas en espazos interiores e seis en exteriores. Na hostalaría abrirán un 30% no interior e un 50% as terrazas, ata as 21 horas.

No resto dos concellos galegos, un total de 294, seguen vixentes as medidas do nivel medio-baixo, no que estarán permitidas as reunións en espazos públicos e locais de hostalaría, entre outros, de 4 persoas en interiores e 6 en exteriores, e a hostalaría poderá abrir ao 50% no interior e 75% no exterior ata as 21 horas.

A comezos da semana que vén está previsto que a Xunta revise as medidas globais establecidas na terceira desescalada, diante da chegada dos días festivos da Semana Santa. A situación epidemiolóxica mantense nunha chaira que descende de forma lenta. Segundo os datos do Ministerio de Sanidad, a incidencia acumulada a 7 e 14 días en Galicia é, respectivamente, de 32,86 e 73,64 casos/100.000 habitantes. Mantense un ritmo de algo máis de 100 casos novos diarios. Os datos pechados ás 18 horas do xoves expoñían que había 178 hospitalizadas e outras 36 en coidados intensivos. Faleceron, desde marzo de 2020, 2331 persoas con Covid-19. Máis de 111000 persoas superaron a infección, e algo máis de 2400 mantéñense como casos activos.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A enerxía eléctrica foi a maior fonte de gases de efecto invernadoiro en Galicia en 2022

A actividade deste sector produciu 2,2 megatoneladas de emisións no territorio galego, cun forte impacto da empresa Repsol

O tempo cambiará de maneira radical en Galicia: volve a chuvia e caen as temperaturas 10 graos

A partir do luns, unha fronte fría asociada a unha borrasca atravesará a comunidade

A fronteira con Portugal é a área de Galicia con maior presenza do mosquito da malaria

O insecto leva anos na comunidade pero o parasito non está en circulación, polo que o risco de transmisión autóctona é baixo

Sanidade detecta en 21 concellos a carracha que transmite o perigoso virus Crimea-Congo

A Xunta reforza a vixilancia pola aparición de casos no Bierzo pero sen constancia de que o patóxeno chegase a Galicia