Ascenden a 57 o número de vítimas por gripe en Galicia desde o inicio da tempada. O último informe publicado polo Dirección Xeral de Asistencia Sanitaria do Sergas confirma a tendencia descendente das infeccións en Galicia. Na segunda semana do ano, a que rematou o 14 de xaneiro, notificouse o ingreso de 284 persoas con gripe confirmada, un 33% menos que os da semana previa é unha gran baixada con respecto ao pico alcanzado na última semana do ano pasado, cando o número de ingresados batía récords con respecto ás tempadas anteriores. Con todo, aínda que o número de vítimas mantíñase en 23 dende o 31 de decembro, nos últimos días rexistrouse o falecemento de 34 persoas, que elevan a 57 o total desde outubro.
A taxa de consulta na atención primaria tamén decae con respecto á semana anterior. Neste sentido, rexistrouse un baixada do 26% para o conxunto da comunidade e en particular para cada provincia. Este dato faise extensible a todos os grupos de idade agás no grupo de idade de 5 a 19 no que a taxa de consulta aumentou un 17 % con respecto á primeira semana do ano. En relación co número de ingresos en UCI esta semana fixéronno 154 doentes.
A gripe foi, de momento, o virus respiratorio con maior incidencia. Con todo, fanse seguimentos dos outros virus respiratorios que circulan esta tempada. A día de hoxe hai 689 pacientes con infección activa e 44 hospitalizacións. Tamén tense en conta o virus respiratorio sincitial (VRS) que se suma aos virus respiratorio que circulan nesta tempada de inverno.
