Venres 1 Marzo 2024

A UVigo apoia unha campaña para concienciar sobre a endometriose

Este domingo 14 de marzo conmemorouse o Día Mundial da doenza, que afecta a 60000 galegas, e resulta incapacitante en moitos casos

A endometriose é unha doenza crónica que afecta a unha de cada dez mulleres en idade fértil, o que supón máis de 150 millóns de persoas afectadas en todo o mundo, 60.000 delas en Galicia, mulleres que, na súa meirande parte, viviron un longo calvario de anos de visitas por diferentes especialistas médicos ata conseguir un diagnóstico. Este domingo celebrouse o día mundial desta enfermidade, aínda unha gran descoñecida, tanto entre o público en xeral como para o propio sistema sanitario, e desde a Universidade de Vigo quixeron unirse á celebración desta efeméride cunha campaña divulgativa impulsada pola asociación querENDO, Mulleres con endiometriose.

A pegada simbólica do primeiro cartel desta campaña de concienciación levouse a cabo na Facultade de Filoloxía e Tradución, un dos centros universitarios cun maior índice de presenza feminina e contou coa participación da vicerreitora de Comunicación e Relacións Institucionais, Mónica Valderrama; a directora da Unidade de Igualdade, Águeda Gómez; a presidenta da asociación querENDO, Cristina Fernández; a vicedecana, Inmaculada Anaya, e Aroa Vázquez, da Delegación de Alumnado.

Publicidade

Imaxe do cartel que se vai distribuír polas diferentes escolas e facultades da UVigo. Foto: Duvi.
Imaxe do cartel que se vai distribuír polas diferentes escolas e facultades da UVigo. Foto: Duvi.

Tal e como se deixou ver neste acto, pese ao amplo número de mulleres ás que afecta a endometriose segue a ser unha gran descoñecida, tanto para o público en xeral como para o propio sistema sanitario, situándose na actualidade o tempo medio de diagnóstico en arredor de oito anos, de aí a importancia de dala a coñecer. Nesta liña a representante da asociación querENDO deu as grazas á Universidade de Vigo pola súa colaboración na divulgación e na visibilidade desta doenza. “É importante que se repartan os carteis e os dípticos e que as mozas, e tamén os mozos, estean informados de que a dor de regra que non te deixa facer vida normal é indicativo de que algo pasa, que hai algo que pode que non estea ben e, polo tanto, débese ir ao médico e loitar por un diagnóstico”, subliñou a presidenta da asociación, ao tempo que recalcou a idea de que a asociación ten as súas portas abertas para resolver posibles dúbidas, non en van,  “somos mulleres apoiando a mulleres”.

Pola súa banda, Águeda Gómez, directora da Unidade de Igualdade, lamentou que en demasiadas ocasións se lle resta importancia ás enfermidades propias das mulleres e, no caso da endometriose, é, desde o seu punto de vista, un exemplo claro da invisibilización da medicina para algunhas cuestións específicas das mulleres. “Con este acto queremos tamén reivindicar que a ciencia e a investigación debe darlle a estas enfermidades o protagonismo que merecen, pois afectan a unha parte moi significativa da poboación”, salientou Gómez, ao tempo que fixo fincapé en “hai que seguir investigando sobre estas doenzas e tamén loitar para que sexan causa xustificada para as baixas laborais, pois para algunhas mulleres é moi incapacitante”.

Endometriose: a dor que martiriza 60.000 galegas

Elixiuse para facer a pegada uns baños da Facultade de Filoloxía e Tradución, un dos centros nos que a matrícula de alumnado feminino é máis ampla. “En todas as escolas e facultades hai mulleres, pero o certo é que neste centro somos maioría, por iso nos pareceu unha moi boa idea facelo aquí”, explicou Aroa Vázquez, da delegación de alumnado da FFT.

O acto contou tamén coa participación dalgunhas asociadas de querENDO que relataron o periplo que tiveron que vivir ata que lle foi diagnosticada a enfermidade. “No meu caso, por exemplo, o primeiro especialista ao que me derivaron foi o psicólogo”, subliñou unha das participantes, quen tamén indicou que se trata dunha doenza cunha sintomatoloxía moi variada, moi difícil de identificar, pero que acostuma repetirse cada mes. “As propias mulleres temos moi interiorizada esa idea de que a dor de regra é normal, entón tardamos en acudir e, cando acudimos, son demasiadas as veces en que se minimiza esa dor, nos tachan de hipersensibles e nos derivan a médicos que non corresponden”, subliñou unha das integrantes de querENDO que asistiu á pegada.


Podes ler a noticia do DUVI nesta ligazón.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Como usar datos históricos para a conservación de especies: así é a nova metoloxía con pegada galega

A UVigo e o CSIC proban un método en escaravellos coprófagos ibéricos que permite comprender a súa resposta a cambios ambientais

Científicos galegos describen unha nova especie de libélula das illas Fixi

O insecto destaca por ter un abdome moi longo, os dentes finos e a parte externa das ás de cor rosada

O sarampelo rexorde con forza en Europa: que podemos facer?

https://theconversation.com/javascripts/lib/content_tracker_hook.js *Un artigo de As autoridades sanitarias portuguesas confirmaron un novo caso de...

A primeira doutora en Aeroespacial da UVigo: “Espero que sirva para romper as barreiras de xénero”

Uxía García Luis, investigadora de atlanTTic, centrou a súa tese na fiabilidade das análises termo-elásticas dos telescopios espaciais