Publicidade

A EMA dá o visto bo a unha dose de reforzo de Moderna

Iría destinada á poboación maior de 18 anos e administraríase de seis a oito meses despois da segunda inxección

A Axencia Europea do Medicamento (EMA), a través do seu Comité de Medicamentos Humanos (CHMP), difundiu este luns un comunicado no que dá o visto bo a unha dose de reforzo de Moderna a persoas maiores de 18 anos. Segundo indican, esta terceira inxección —que debería ser administrada de seis a oito meses despois da segunda— “provocou un aumento nos niveis de anticorpos en adultos cuxos niveis estaban diminuíndo”.

Atender a situación epidemiolóxica

Mais este comunicado da EMA non é categórico. Tal e como indican dende o organismo europeo, deben de ser as institucións nacionais as que tomen decisións ao respecto e determinar se se deben administrar ou non estas doses de reforzo. Para iso habería que ter en conta cal é a situación epidemiolóxica de cada país, así como os datos da súa eficacia e da súa seguridade.

Publicidade

https://twitter.com/EMA_News/status/1452687670749057026/photo/1

A EMA pronúnciase sobre a dose de reforzo de Moderna tan só un mes despois de que tamén abrise a porta á de Pfizer. Nese caso, esa terceira inxección debería administrarse polo menos seis meses despois da segunda dose. No comunicado difundido a comezos de outubro, a EMA tamén amosaba un aumento no nivel de anticorpos cando se administraba a dose de reforzo de Pfizer, mais sen emitir, tampouco, unha recomendación explícita.

Publicidade

Dose de reforzo fronte a dose adicional

Outro dos aspectos que é preciso salientar a este respecto é a diferenza entre as doses de reforzo (booster dose) e as doses adicionais (additional dose). As primeiras son as que se poderían administrar á poboación xeral, como se se tratasen de vacinas extra. As segundas son aquelas que van destinadas a colectivos moi específicos, que polas características do seu sistema inmunitario precisan dunha terceira inxección. É o que aconteceu, por exemplo, coas persoas inmunodeprimidas. Un grupo ao que xa se lle administrou esa dose adicional en Galicia, ao igual que os maiores das residencias.

Por outra banda, este luns tamén comezou a campaña de vacinación da gripe en Galicia, destinada ás persoas de máis de 80 anos. Pero esta temporada ten unhas características peculiares, posto que se lles ofrecerán simutanear dúas vacinas: a da gripe e, tamén, a dose adicional contra o coronavirus. No que respecta ás persoas que teñan entre 70 e 79 anos, poderán solicitar voluntariamente a inxección da gripe e xa Sanidade as convocará para recibir a terceira dose contra a Covid-19.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Gripe aviaria, mpox, chikungunya… Cal será a próxima pandemia?

O epidemiológo Juan Gestal analiza as posibles ameazas para a saúde pública cinco anos despois do estoupido da covid

Unha empresa galega logra 2,1 millóns para ensaiar a súa terapia de prevención da gripe

A compañía Smart Vitamins consegue no experimento en roedores protexer no 100% dos casos contra o desenvolvemento da enfermidade

A revolución das vacinas contra a covid, o antes e o despois da ciencia

A tecnoloxía do ARN mensaxeiro permitiu crear fármacos para combater o SARS-CoV-2 en tempo récord e impulsou as inmunizacións masivas

Cinco anos do primeiro caso de covid en Galicia: o día que comezaron a cambiar as nosas vidas

O 4 de marzo de 2020 rexistrouse o 'paciente cero', un home que visitou A Coruña procedente de Madrid para facer unha entrevista de traballo