A biofarmacéutica Zendal, con sede no Porriño, subministrou en 2024 por toda Europa 42 millóns de vacinas contra a lingua azul, unha enfermidade vírica que afecta os ruminantes. A inxección protexe contra os serotipos da doenza que circulan por territorio europeo (serotipos 3, 4 e 8).
A enfermidade da lingua azul xera graves consecuencias para a cabana gandeira e a economía agrícola. A transmisión, a través de insectos vectores como os insectos do xénero Culicoides, facilita a rápida diseminación da doenzas, especialmente en épocas de altas temperaturas e humidade, onde as condicións son favorables para o vector.
Esta enfermidade infecciosa xera perdas económicas directas derivadas da mortalidade en ovinos, así como diminucións na produción de leite e carne nos animais afectados. Ademais, as restricións comerciais impostas a zonas afectadas limitan o comercio de animais vivos e produtos derivados. “A vacinación demostrou ser unha ferramenta fundamental para a prevención e o control da lingua azul”, indican dende a compañía.
Un 65% de vendas internacionais
Zendal lanzou a vacina para previr a lingua azul en 2024 e aproximadamente a metade das vendas atribúense á que vai contra o serotipo 3. Segundo trasladan dende a biofarmacéutica do Porriño, tras meses de traballo e desenvolvemento do produto obtívose a autorización do fármaco. Mentres tanto, o serotipo 3 propagábase rapidamente polos países europeos.
As vendas internacionais alcanzaron o 65% do total, con mercados como Francia, Alemaña, Países Baixos, Bélxica, Italia, Croacia, Hungría, Bulgaria e Rumania. Dende Zendal aseguran que lideran en Europa esta categoría de vacinas e consolidan a súa posición en case a todalidade dos territorios do continente. Tamén trasladan que tengo en conta os datos que achegan os indicadores epidemiolóxicos, a proxección para 2025 anticipa niveis similares aos do exercicio anterior.
