Universidade da Coruña e HM Hospitales crean a Cátedra de Traumatoloxía do Deporte

Xosé Luís Armesto Barbeito, reitor da Universidade da Coruña, e Juan Abarca Cidón e Ramón Cobián Casares, en representación do Hospital HM Modelo, asinarán mañá, martes, 17 de novembro, o convenio de colaboración polo que se crea a Cátedra HM Hospitales de Traumatoloxía do Deporte.
O acto terá lugar na Sala de Xuntas da Reitoría, ás 12:00 horas, e contará coa presenza do vicerreitor de Investigación e Transferencia, Ricardo Cao, o director da Cátedra, o profesor Carlos Agrasar e o coordinador executivo da mesma, o profesor Rafael Arriaza.
Lograr que na Coruña se forme un centro de referencia no ámbito da traumatoloxía do deporte para todo o noroeste peninsular, promover unha formación de calidade no campo da traumatoloxía do deporte nos ámbitos da medicina, fisioterapia, e da educación física, e estimular a investigación no ámbito da traumatoloxía do deporte son os obxectivos fundamentais cos que nace esta Cátedra, segundo explica a UDC nunha nota.
Máis información no seguinte enlace: