O Congreso de Enxeñaría de Sistemas trae a Galicia expertos de Brasil, Arxentina e Portugal
O World Congress on Systems Engineering and Information Technology reúne en Vigo esta semana investigadores e docentes de enxeñaría de sistemas de Brasil, España, Portugal e Arxentina. Trátase dunha cita internacional que tras o seu paso en 2013 por Porto, nesta edición elixiu Vigo para tres días de debate, mesas redondas, sesións plenarias e conferencias como parte dun foro que pretende ser unha posta en común das investigacións e proxectos que se levan a cabo en diferentes institucións do mundo. O WCSEIT2015 está organizado polo World Council on Systems Engineering and Information Technology, co profesor Claudio da Rocha Brito como presidente do Comité Organizador; a profesora Melany M. Ciampi como presidenta do Comité de Programa Técnico, a vicerreitora Asunción Longo, que preside o comité local e o profesor da EE de Telecomunicación Martin Llamas como coordinador local.
Esta edición está centrada nos desafíos, prácticas e tecnoloxías na era da información e dende este luns ata o mércores, os participantes abordarán temas como arquitectura avanzada de tecnoloxías da información e comunicación; procesos de negocio de enxeñaría e xestión, dirección de empresas e estratexia competitiva; educación en enxeñaría de sistemas e tecnoloxías da información; sistemas de información de saúde; interacción entre o ser humano e os computadores; desenvolvemento de sistemas innovadores e fiables en SEIT; xestión do coñecemento e intelixencia de negocio; novos retos para a gobernanza electrónica, xestión de proxectos e desenvolvemento TIC ou seguridade e privacidade da información.
Máis información no seguinte enlace:
