Homenaxe a Stephen Hawking na NerdNite de abril

A NerdNite de abril estará dedicada á memoria de Stephen Hawking. O xoves 12 de abril, na Nave de Vidán, en Santiago de Compostela, tres científicos que coñeceron e estudaron a vida e a obra do científico inglés falarán sobre o legado e as visitas a Galicia do investigador. A cita, de acceso libre e gratuito, comezará ás 22 horas.

O catedrático Jorge Mira, un dos científicos galegos que acolleu a Hawking con motivo da entrega do premio Fonseca, fará un percorrido fotográfico da estancia do físico inglés en Galicia. Falará tamén José Edelstein, profesor de Física Teórica da USC, nunha intervención que levará por título “Stephen Hawking y el ludópata vergonzante”. E o doutorando da área de Física Teórica Alejandro Vilar intervirá con “E Hawking dixo: Fágase a luz!”.

Publicidade

Stephen Hawking faleceu o pasado 14 de marzo aos 76 anos. A súa formulación da teoría sobre os buracos negros cambiou a concepción que ata os anos 70 se tiña de universo. Alén disto, a esclerose lateral amiotrófica que padeceu desde novo, e coa que xa convivía cando realizou algúns dos seus achados máis importantes, condicionaron a súa vida. Visitou en varias ocasións Galicia. Na primeira delas, en 2008, recibiu o premio Fonseca, que gardaba con cariño no seu despacho. Desde abril de 2017 unha praza en Fisterra, onde tamén estivo en 2008, leva o seu nome.

Toda a información sobre o legado de Hawking e a súa presenza en Galicia, nesta ligazón.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:04:39

Pode caer un raio dúas veces no mesmo sitio?

Grazas aos pararraios a humanidade non teme hoxe as tormentas e o seu poder destrutivo, pero o lugar onde caen as descargas ten pouco de azar e moito de fondo científico

Pódcast | É hora de entender o cambio horario, con Jorge Mira

O catedrático de Física da USC, membro do comité de expertos que asesorou ao Goberno, aclara as dúbidas respecto ao movemento do reloxo

Un estudo cuestiona os riscos para a saúde atribuídos ao movementos do reloxo

Investigadores das Universidades de Santiago de Compostela e Sevilla revisaron a literatura científica máis citada a este respecto

A Academia de Ciencias premia a traxectoria de cinco científicos coas Medallas de Investigación

Jesús López Romalde, Ramón Máiz, Mª Ángeles Sanromán, Jorge Mira e Isabel Pastoriza son os premiados deste ano