Xoves 28 Marzo 2024

Stephen Hawking xa ten a súa praza en Fisterra

Hai nove anos, o célebre científico Stephen Hawking, o máis coñecido estudoso da orixe do Universo e dos buracos negros, chegou á Fin do Mundo, en Fisterra. Veu a Galicia convidado polo catedrático de Electromagnetismo da USC Jorge Mira, que a través do Programa ConCiencia trouxo ao noso país a decenas de eminentes científicos. Na súa visita, Hawking foi recibido polas autoridades locais e visitou o Cabo Fisterra, onde quedou marabillado pola beleza do lugar. Desde hoxe, a explanada situada antes do camiño que conduce ao edificio do faro, un dos lugares máis visitados de Galicia, levará o seu nome: Praza Stephen Hawking.

Na inauguración oficial deste mércores participaron, entre outros, o alcalde de Fisterra, José Marcote, a Cónsul Honoraria do Reino Unido en Galicia, María García de la Concha, e o propio Jorge Mira.

Publicidade

As visitas de Stephen Hawking a Galicia

A primeira vez que o científico británico estivo en Galicia foi en setembro de 2008, cando recibiu o Premio Fonseca que outorga o Programa Conciencia e impartiu unha conferencia no Palacio de Congresos de Galicia, en Santiago.

Stephen Hawking, na súa visita a Vigo, en 2014.
Stephen Hawking, na súa visita a Vigo, en 2014.

Nos últimos anos, regresou en dúas ocasións. En outubro de 2014 estivo en Vigo como pasaxeiro do cruceiro “Oasis of the seas” e degustou ostras na Pedra. E xusto un ano despois, Stephen Hawking estivo no parador de Cambados tras chegar de novo a Vigo nun cruceiro. Visitou tamén o pazo de Rubiáns, en Vilagarcía de Arousa.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un mapa da NASA alerta da subida do mar en Galicia e revela as zonas máis afectadas

Unha ferramenta dixital baseada nos datos científicos do Sexto Informe do IPCC ofrece unha proxección sobre as subidas do nivel do mar en todo o mundo ata 2150

A gran eclipse solar de abril: cando e onde vela en Galicia?

Este fenómeno astronómico será visible de maneira parcial no oeste da comunidade, especialmente na franxa atlántica da Coruña e Pontevedra

O mapa dos ‘químicos eternos’ en Galicia: ata 70 zonas sospeitosas de grave contaminación

Unha investigación europea sinala a presenza no continente destas substancias nocivas para o medioambiente e a saúde

Identificado un novo campamento romano na fronteira entre Galicia e Portugal

Un equipo de arqueólogos detecta un posible recinto fortificado de tres hectáreas de extensión datado entre os séculos I a.C. e I d.C.