Venres 29 Marzo 2024

GCiencia recibe a mención “Periodismo e Divulgación Científica”

Os Museos Científicos Coruñeses e INIBIC entregan a distinción ao abeiro da XII Reunión de Mozos Investigadores no Estranxeiro, celebrada no DOMUS da Coruña

GCiencia recibiu este mércores a mención especial “Periodismo e Divulgación Científica” ao abeiro da XII Reunión de Mozos Investigadores no Estranxeiro. Un evento organizado polo Instituto de Investigación Biomédica de A Coruña (INIBIC) e os Museos Científicos Coruñeses co obxectivo de darlle visibilidade aos investigadores máis novos e potenciar o seu retorno a Galicia. Durante o acto, celebrado no DOMUS de A Coruña, fíxose entrega da mención especial a GCiencia “polo gran labor en divulgación e xornalismo en lingua galega”.

O evento, que se vén celebrando dende o ano 2010, deu comezo ás 9,30 horas coa benvida do reitor da Universidade da Coruña (UDC), Xulio Abalde, co concelleiro de Educación e Memoria Histórica, Jesús J. Celemín, e coa coordinadora do Comité Organizador e do Comité Científico, María D. Mayán, tamén directora do grupo CellCOM do INIBIC. A continuación celebráronse unha serie de relatorios por parte de investigadores galegos que residen no estranxeiro, e que abordaron asuntos tan diversos como a contaminación ambiental, a actividade neuronal ou a materia escura.

Publicidade

Premios e mencións

Arredor das 14,00 deu comezo a entrega de premios e mencións. O primeiro galardón, o “Ángeles Alvariño” á mellor traxectoria profesional distinguiu a Mateo Sánchez López, doutor en Química pola USC, autor de máis de 30 artigos científicos en revistas de prestixio internacional e, ademais, traballou como investigador no MIT de Stanford e no Imperial College de Londres.

O segundo galardón, que premiou o traballo con maior impacto social, foi para José Ángel Nicolás Ávila, doutor en Bioloxía que actualmente traballa no Centro Nacional de Investigacións Cardiovasculares (CNIC). O traballo premiado neste evento afondaba na presenza dunha poboación abundante de células inmunitarias no corazón que contribuían a manter a saúde e o bo funcionamento dos cardiomiocitos. O terceiro premio, antes de facer entrega das mencións, enxalzaba a mellor traxectoria profesional “Científica xove menor de 35 anos”. A galardoada foi Cintia Folguera Cobos, tamén bióloga e actual investigadora no CNIC.

Coordinadores da gala xunto con premiados e participantes.
Coordinadores da gala xunto con premiados e participantes.

A continuación fíxose entrega das mencións especiais. En total, cinco distincións: “Ciencia e Muller 2021”, entregada a Amparo Alonso; “Promoción da Ciencia”, entregada aos comités de empresa das Fundacións Biomédicas de Galicia; “Mulleres en Igualdade”, entregada a Susana Ladra e Verónica Bolón,  “Talento Xove e Innovador”, entregada a Ana Freire; e “Periodismo e Divulgación” entregada a GCiencia polo seu labor xornalístico e de difusión de contidos científicos.

Durante a recollida da mención, dende Gciencia salientouse “o imprescindible que é a ciencia nun contexto de pandemia, e iso pasa por darlle voz aos investigadores e investigadoras”. Na clausura do acto, Xulio Abalde salientou o papel “fundamental” que desenvolve Gciencia na divulgación e no xornalismo científico, desempeñando un gran traballo para que a sociedade estea en contacto coa ciencia. Palabras que tamén suscribiu a organizadora María Mayán na súa intervención, xunto cun alegato para reivindicar que se invista máis en ciencia, xa que Galicia inviste menos do 1% do PIB.

Os galardóns

Amais desta mención, GCiencia tamén foi distinguido en 2019 co Prisma ao Mellor Novo Medio, o premio da divulgación científico de maior prestixio en España. Ao longo da súa traxectoria, iniciada en novembro de 2013, conseguiu outros galardóns como o de Xornalismo Dixital do Foro da Comunicación de Galicia (2015), o Galicia de Xornalismo Científico da Real Academia Galega de Ciencias (2017), o Mil Primaveras da Coordinadora de Traballadores de Normalización dá Lingua (2019) e o Rosalía de Castro de Cultura Galega que outorga a Deputación da Coruña (2019), ademais de resultar finalista dos Premios da Crítica de Galicia ou da feira de actividades culturais Culturgal.

Galardóns

  • XLIII Premio da Crítica de Galicia. Iniciativas científicas e culturais.
  • Prismas 2019. Premio de maior prestixio en España á divulgación científica. Mellor Novo Medio.
  • Rosalía de Castro 2019. Concedido pola Deputación da Coruña pola contribución de GCiencia ao uso do idioma galego
  • Premio de Xornalismo Dixital 2015. Concedido polo Foro da Comunicación de Galicia
  • Mil Primaveras 2019. Concedido pola Coordinadora de Traballadores de Normalización Lingüística polo uso do galego.
  • Premio Galicia de Xornalístico Científico 2017. Concedido pola Real Academia Galega de Ciencia pola reportaxe A ataxia SCA36, o mal sen cura da Costa da Morte
  • Premio Iprox 2013. Concedido polo Colexio Profesional de Xornalistas de Galicia ao proxecto GCiencia.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A UVigo reivindica no Día Mundial da Auga a importancia do seu acceso universal

A universidade impulsa a concienciación través dunha serie de pódcast con nenos e nenas e dun concurso escolar de microrrelatos

Un traballo da UDC sobre investigación básica en epilepsia gaña o Epiforward 2024

O equipo conseguiu reducir a actividade cerebral grazas á aplicación de campos magnéticos en áreas concretas do cerebro
00:03:09

As patacas teñen lingua propia: o vídeo dunha galega finalista nun certame de divulgación

A investigadora da Misión Biolóxica de Galicia Lucía Martín Cacheda presenta unha peza audiovidual sobre a comunicación química das plantas

A UVigo busca terapias eficaces contra enfermidades dexenerativas como a artrose

O traballo está liderado en España por María Mayán, investigadora de recente incorporación ao CINBIO