A momia exipcia Nesiamón, de 3.000 anos de antigüedade, emitiu un son (como un xemido alongado) despois de que un grupo de científicos imprimiran en 3D o seu tracto vocal. “Isto abre as portas a que nun futuro sexa posible chegar a reproducir palabras e forma na que soarían”, sinala o investigador David Howard, científico da Universidade de Londres.
En 2016, utilizando un escáner CT, os científicos foron capaces de recrear a voz da momia “Ötzi the Iceman”, e os seus sons vocálicos foron moito máis graves que os de Nesiamón. Esta vez, os investigadores utilizaron un método similar para recrear o tracto vocal de Nesiamón, dende os beizos ata a larinxe. Conectaron un altofalante a un ordenador facendo unha especie de larinxe artificial e utilizando o ordenador para xerar un son para o tracto vocal.
O resultado, o son dunha soa vogal, non é suficiente para sintetizar a fala corrente, explican os autores no seu artigo; para iso, necesitarían coñecer mellor as articulacións específicas do tracto vocal, así como a fonética e o ritmo da lingua deste antigo sacerdote. Tamén inflúe que aínda que o tracto vocal da momia estaba nun estado notable despois de varios milenios, faltaba a maior parte da lingua.
Referencias:
Synthesis of a Vocal Sound from the 3,000 year old Mummy, Nesyamun ‘True of Voice’. (Publicado na revista Nature).
