O esperado ‘pico’ da incidencia do coronavirus en España está a converterse nunha alta meseta, na que por sétimo día consecutivo se rexistran máis de 800 mortes diarias. O Ministerio de Sanidade vén de informar dun primeiro lixeiro retroceso da semana no número de mortos con 932 falecidos en 24 horas, pero se supera a Italia en contaxios.
Segundo datos de Sanidade, son 10.935 os decesos desde o inicio da crise sanitaria. Hai 117.710 contaxiados e máis de 30.000 curados. Máis de 56.000 pacientes foron hospitalizados.
No mundo, máis dun millón de persoas contaxiáronse de coronavirus e máis de 53.000 morreron, segundo o reconto diario da Universidade Johns Hopkins. Estados Unidos marcou este xoves un récord mundial na cifra de falecidos por coronavirus nun día. Nas últimas 24 horas, os decesos foron polo menos 1.169, o que eleva o total de vítimas mortais no país a 6.057, mentres que os contaxios soben a máis de 245.000, tras sumar outros 30.000 positivos.
Alemaña superou este venres os mil mortos e suma 79.696 positivos. En Italia, fontes do Goberno xa falan de estender a corentena ata o vindeiro 2 de maio, aínda que o presidente de Protección Civil do país transalpino, Angelo Borrelli, dixo na radio italiana que o confinamento podería chegar alí ata o 16 de maio.
O aumento de casos de Covid-19 concéntrase en Lugo e Ourense
Na India, a preocupación é máxima, nun dos países máis poboados do mundo e con serias carencias en materia sanitaria. O coronavirus chegou ao asentamento chabolista de Dharavi, un suburbio de Bombai considerado a área chabolista máis grande de Asia, cun millón de persoas. O mércores rexistrouse o primeiro caso e a primeira morte por coronavirus. Ata o momento, India confirmou 2.536 casos de contaxio e 72 mortes por coronavirus.
Aquí podes consultar os datos do Ministerio de Sanidade
