As novas da pandemia do coronavirus son moi negativas para Galicia, que hoxe bateu o récord de positivos detectados nunha nova xornada. Se, hai sete días, a cifra de 690 contaxios levaba a tomar novas restricións, hoxe volve marcarse un máximo histórico con 770 novos confirmados, que fan que o número de casos activos chegue a 8.762.
Na web de datos do Sergas aparecen nas últimas 24 horas 755 casos de Covid-19 por PCR, pero a diferenza entre o total de infectados desde o inicio da pandemia de hoxe (36.572) e o de onte (35.802) é de 770 persoas.
Nas últimas 24 horas rexistráronse en Galicia 770 novos casos de SARS-CoV-2, 8 falecementos e 363 altas, o que fai que o número de casos activos ascenda en 399 persoas, pasando das 8.363 de onte ás 8.762 de hoxe.
A única boa noticia dos datos de hoxe é que o número de hospitalizados baixa lixeiramente, e de feito por segundo día consecutivo, pasando dos 476 de onte a 474 hoxe. O total de casos de coronavirus en Galicia desde o inicio da pandemia é de 36.572.
Vigo continúa a ser a área sanitaria máis afectada e hoxe case alcanza os 2.000 casos activos, con 1.924 (+166). Séguelle A Coruña con 1.473 casos (+41), Ourense con 1.397 (+3), Santiago con 1.349 (+27), Pontevedra con 918 (+19), Lugo con 894 (+93) e Ferrol con 807 (+50).
Ademais, Vigo bate o seu récord de contagios con 215, sendo ademais a primeira vez que unha área sanitaria supera os dous centenares de contagios nun só día. Lugo tamén chama a atención ao superar os 100 contagios nunha soa xornada, cando parecía que esta área sanitaria era a que mellor progresaba.
Novos contagios por áreas sanitarias:
A Coruña: 132
Ferrol: 66
Lugo: 121
Ourense: 92
Pontevedra: 53
Santiago: 91
Vigo: 215
Total: 770
O total de falecidos en Galicia chega aos 910 tras 8 decesos comunicados onte, facendo que o total de mortes nesta nova onda sexa de 291. O número de hospitalizados é de 474, distribuídos en 69 pacientes de UCI e 405 en unidades de hospitalización. O total de probas PCR realizadas é de 682.669, 10.234 no día de onte e cunha positividade do 7,52%.
Esta semana xa se rexistraron de luns a sábado 3.966 casos de coronavirus, máis que os 2.923 dos seis primeiros días da anterior, e que os 3.530 de toda a semana, polo que xa é a peor desde o inicio da pandemia.
Aquí podes consultar os últimos datos facilitados polo Sergas
