O Centro Nacional de Furacáns (NHC) dos Estados Unidos confirmou esta madrugada a formación da tormenta subtropical Theta no Océano Atlántico, e advertiu da posible transición a ciclón tropical. Aínda que os modelos amosan por agora un alto grao de incerteza, é posible que Theta chegue a Canarias cunha intensidade notable. Segundo as últimas medicións, ten uns ventos máximos sostidos duns 85 km/h e agárdase que se manteñan con poucos cambios nos vindeiros días.
Por agora, a predición afasta a tormenta do noroeste da Península Ibérica. Con todo, a formación deste tipo de fenómenos, cada vez máis frecuente nos últimos anos, mantén pendentes aos expertos no estudo do clima polo maior risco de que tormentas deste tipo, mesmo con categoría de furacán, poidan chegar a zonas habitadas tanto nos arquipélagos de Canarias, Madeira ou Azores como na propia península. Foi o caso de Ophelia ou Leslie, que nos últimos anos causaron un importante impacto.
A tormenta Theta
A tempada de tormentas no Atlántico está sendo unha das máis intensas desde que existen rexistros. Así, Theta é a 29ª tormenta nomeada en 2020, o que supera o récord da tempada de 2005. O número de fenómenos é tal que o NHC agotou a lista de 21 nomes prevista e tivo que acudir, como está indicado nestas ocasións, ao alfabeto grego (Alpha, Beta, Gamma, Delta, Epsilon, Zeta, Eta, Theta, Iota, Kappa…) que xa leva consumidas á súa vez oito nomes.
Subtropical Storm #Theta has developed tonight in the Northeast Atlantic, the 29th named storm of the 2020 Atlantic Hurricane Season.
This breaks the single season record for the most named storms previously held by the 2005 Hurricane Season.
Details: https://t.co/lqZULHcvhJ pic.twitter.com/ZFPgUa5Dmp
— National Hurricane Center (@NHC_Atlantic) November 10, 2020
Segundo o NHC, está movéndose cara ao leste, un camiño que seguirá nos vindeiros días, maís aínda non se pode predicir con exactitude se tomará unha dirección nordeste que a achegue á Península Ibérica. Algúns expertos como Juan Jesús González Alemán, que están seguindo a formación do fenómeno, cualifican de “día histórico” a xénese deste fenómeno, algo moi pouco habitual en lonxitudes próximas á Península Ibérica.
Pues llegó el momento, otro día histórico.
El @NHC_Atlantic ya ha certificado oficialmente la formación de la Tormenta Subtropical #Theta, que en las próximas horas sufrirá transición tropical y se convertirá en tormenta tropical.
Este es su recorrido más probable previsto. pic.twitter.com/oMbU6Q1YfP
— J. J. González Alemán (@glezjuanje) November 10, 2020
Pola súa parte, a Axencia Estatal de Meteoroloxía avanza que os restos da tormenta “poderían terminar preto da Península Ibérica”.
La tormenta subtropical #Theta es la 29 de la temporada, batiendo el récord de 2005 de 28 ciclones tropicales con nombre, y la temporada aún no ha terminado. Los restos de la tormenta podrían terminar cerca de la península ibérica. https://t.co/FJn8u0cFpk
— AEMET (@AEMET_Esp) November 10, 2020
A formación de tormentas con características subtropicais está a facerse máis frecuente nos últimos anos no Atlántico nordeste. A combinación de masas de aíre frío en altura e aire cálido preto da superficie pode desencadear fenómenos extremos, susceptibles de causar importantes impactos nas zonas habitadas. “É posible que nos próximos anos aumente a frecuencia deste tipo de fenómenos”, explicaba hai uns meses a GCiencia Juan Jesús González Alemán. “Non temos suficientes datos para afirmar que vai ser unha tendencia, pero o cambio climático é un factor clave. Este tipo de ciclóns fórmanse en latitudes subtropicais e sacan a súa enerxía do océano; se a temperatura da auga é máis cálida, poderán coller máis forza e desenvolverse”, explica o científico.
Os expertos apuntan a que se necesitan modelos máis precisos para predicir a formación deste tipo de fenómenos, a súa traxectoria e os posibles impactos en áreas poboadas, xa que ao tratarse de tormentas dunha intensidade considerable, unha pequena desviación pode ser moi relevante.
