A Xunta usa como reclamo turístico unha mina sen rexenerar

Hai agora tres anos e medio, unha das balsas da antiga canteira e mina de Monte Neme, entre Carballo e Malpica, rebentou e liberou máis de 24.000 toneladas de auga residual monte abaixo, despois de numerosas advertencias de medios de comunicación e autoridades locais debido ao estado de abandono que presentaba. Non houbo danos persoais, pero si abondosos destrozos.

A Dirección Xeral de Enerxía e Minas, dependente da Consellería de Industria da Xunta, segue sen executar o plan de rexeneración deste lugar, que foi explotado como mina de wolframio e canteira. Nos últimos anos, o lugar converteuse nun lugar de peregrinación turística pola chamativa cor das balsas de residuos da antiga canteira.

Publicidade

Non en tanto, aínda coa perigosidade do entorno, con taludes sen protección, augas con altos niveis de acidez e aluminio e as instalacións en notable estado de abandono, a Axencia de Turismo da Xunta decidiu empregar unha imaxe dunha das balsas de residuos da antiga canteira para promocionar Galicia.

Algunhas persoas chegan a meterse na auga, con altos niveis de aluminio e acidez. Fonte: Instagram.

Centenares de persoas visitan o lugar para retratarse coas augas cor turquesa. E mesmo algunhas, como se ve na fotografía adxunta, métense na auga que, segundo informes de Augas de Galicia citados por Praza Pública, presentaban altos niveis de aluminio e un pH moi ácido.

Publicidade

Ante esta campaña de promoción, xurdiron numerosas voces críticas, como o catedrático Augusto Pérez Alberti (USC), asociacións ecoloxistas como Adega e colectivos como a Plataforma pola Defensa de Monte Neme, entidade que avoga pola recuperación do espazo e que vén denunciado o descontrol e o abandono existente no lugar.

ACTUALIZACIÓN (10-10-2017)

A Xunta retira o anuncio que usaba Monte Neme como reclamo turístico

Despois das críticas xurdidas a raíz da utilización desta imaxe, a axencia de turismo da Xunta de Galicia decidiu retirar a fotografía de todos os soportes. Recoñecen o “lamentable erro” e aluden a que “fallaron os filtros” na selección destas imaxes, escollidas pola axencia de publicidade encargada da campaña “Dáme Galicia”.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

‘A provincia que sabe’ recibe o premio Gente Viajera Galicia á mellor promoción turística

A campaña gastronómica da Deputación da Coruña, galardoada por "promover a innovación nos procesos turísticos”

Cabo Ortegal, novo Xeoparque Mundial: “A decisión da Unesco reforzará o turismo de calidade”

O vicepresidente da Deputación da Coruña e deputado de Turismo, Xosé Regueira, cre que a distinción impulsará o asentamento de poboación nova

De onde proceden os turistas de España? Descóbreo neste mapa interactivo

Este gráfico elaborado por Dominic Royé amosa que as visitas de Reino Unido, Francia, Alemaña e Países Baixos son as máis frecuentes

A Vía Verde de Compostela recupera o pasado das estacións ferroviariais

A Deputación de Coruña impulsa a recuperación do patrimonio industrial espallado ao longo da ruta a través da realidade virtual