As temperaturas están en alza en Galicia polo impacto dunha crista subtropical no territorio, pero o episodio de calor non queda aí: un novo bloqueo anticiclónico como cúpula de calor desenvolverase nos próximos días e poderá provocar que os termómetros acaden os 40°C na península. Os mapas indican que Galicia non se librará do fenómeno, con anomalías positivas de ata 10 graos. Determinados modelos meteorolóxicos europeos anticipan a chegada dunha onda de calor, que sería a primeira de 2026, a pesar de que aínda non está confirmada pola Axencia Estatal de Meteoroloxía (AEMET). Con todo, nunha publicación na rede social X, afirma que “entre finais desta semana e comezos da próxima as temperaturas poderían estar entre as máis altas rexistradas nesas datas”.
Entre os factores que poden producir este fenómeno, segundo Meteored, está a presenza dunha dorsal de bloqueo con altas presións históricas para esta época do ano e a acumulación de calor en capas baixas. Todo iso ven acompañado baixo un chorro de altura ondulado e cuasi estacionario, un cóctel semellante ao experimentado durante a última semana de maio de 2026.
As consecuencias serán unha forte estabilidade atmosférica, ceos despexados, calor acusada durante o día, terreos secos e un aire que descenda, comprima e que experimentará un quecemento adicional por compresión. Deste xeito, o aire moi cálido acumularase e aumentará a temperatura en niveis baixos e en superficie durante varios días.
Novamente, aparece a probabilidade de que se batan numerosos récords de temperatura en España, onde as temperaturas prognosticadas poderán superar en máis de 10ºC ou 15ºC a media climatolóxica para esta época do ano.
Dise vaga de calor