O municipio de Verea, no suroeste de Ourense, rexistrou na mañá deste luns, ás 7.27 horas, un movemento sísmico de magnitude 2,4 segundo informou o Instituto Geográfico Nacional. Verea é unha zona relativamente activa pola presenza de fallas. O epicentro situouse ao sur de Carballo, a capital municipal de Verea.
O terremoto súmase así aos movementos dos últimos días, con algúns tremores que chegaron a ser percibidos pola poboación na contorna de Triacastela, Sarria e Becerreá, o coñecido triángulo sísmico de Lugo. Foron cinco movementos en pouco máis de 12 horas, desde as 11.30 da mañá do sábado ata a medianoite, con magnitudes de 2,5, 2,2, 3,0 (o maior, ás 23.38 da noite), 2,9 e 1,9.
Tamén houbo outro movemento en Santiago de Compostela, de magnitude 2,2, na madrugada do venres ao sábado.
