A natureza ofrece moitos exemplos de loita a vida ou morte. Moitos deles non quedan rexistrados, pero ás veces podemos ser testemuñas deles. Pasou hai uns meses en Galicia, grazas á Cemma, que retratou como un arroaz boto (Grampus griseus) morreu afogado cos raxos dun polbo ao que comezara a devorar.
National Geographic dá conta dunha loita que, pola súa impactante fotografía, tivo que ser feroz. Na imaxe aparecen unha cobra real (Ophiophagus hannah) e un pitón reticulado (Malayopython reticulatus) unha das de maior lonxitude que se coñecen. E ambas morreron. O pitón estaba atrapada nas fauces da cobra, que é velenosa, mentres que a propia cobra morrera esmagada pola forza do corpo da serpe xigante.
A imaxe leva tempo circulando polas redes, e crese que está tomada no sureste asiático, hábitat das dúas especies.