Un terremoto de magnitude 3,4 foi rexistrado ás 10.11 horas desta mañá nun punto situado no Atlántico a poucas millas da costa de Galicia. O sismo foi detectado polo Instituto Xeográfico Nacional no límite da plataforma continental galega fronte á ría de Vigo.
Este terremoto é o de maior magnitude dos rexistrados en Galicia ao longo do verán, no que a noticia foi o fenómeno dun enxame sísmico de pequena magnitude que sumou ducias de sismos na provincia de Ourense. O máis intenso foi o localizado en Celanova cunha magnitude de 3,4 e o seu epicentro en Celanova. Nos últimos tres días, dende o pasado domingo 1 de setembro, o Instituto Xeográfico Nacional rexistrou cinco sismos na mesma zona.
A actividade sísmica no sur da provincia de Ourense é practicamente diaria dende o comezo do mes de xullo. Aínda que se trata de pequenos sismos que resultan imperceptibles.
