Xa viñan adiantando estes días os meteorólogos da situación “anómala” de Galicia, protexida por un anticiclón da borrasca situada no Atlántico. Porén, a circulación do vento desde o sur (máis cálido) acabou provocando unha situación de récord en febreiro, con valores absolutos en varias estacións, segundo adiantou MeteoGalicia no serán deste domingo:
A pesar das nubes altas 🌤️as temperaturas esta tarde superaron os 20ºC case na totalidade de Galicia e os 25ºC en Pontevedra-Campolongo, Leiro e nas dúas estacións de Ourense capital🌴. A falta de confirmación estes dous valores serían novos rexistros record de febreiro 🥇! pic.twitter.com/isrkOkg8MD
— MeteoGalicia (@MeteoGalicia) 24 de febrero de 2019
Catro estacións da rede autonómica superaron esta tarde os 25ºC. Ourense-Estacións (26,8ºC), Leiro (26,3ºC), Ourense (25,4ºC) e Pontevedra-Campolongo (25,1ºC) acadaron estes valores. Alén disto, gran parte de Galicia superou os 20ºC, e mesmo en estacións por riba de 900 metros, como no Xurés, O Invernadeiro ou Ancares, chegaron a estar a máis de 19ºC.
A Aemet corrobora o récord en febreiro
Un récord en febreiro que tamén corrobora a AEMET. A medición de hoxe na estación de Ourense (24,9ºC) supera o récord absoluto rexistrado, que databa do 27 de febreiro de 1997, cando se acadaron os 23,4ºC. En Lugo igualouse, con 23,8ºC, o dato tomado o 23 de febreiro de 1990, que figura como récord en febreiro segundo a Aemet. A axencia estatal rexistrou tamén valores notables en Ponteareas (24,6ºC) e Ribadavia (24,5ºC), aínda que non existe rexistro histórico nestes puntos, puideron baterse tamén hoxe. Outros lugares tamén quedaron cerca
