Forebears é unha ferramenta web que te permite saber cantas persoas no mundo levan o teu apelido e localizar en que países viven, o ránking que ocupa e mesmo a súa procedencia.
Tecleando no buscador o apelido, o mapa amosa en que países do mundo é máis común atopalo na actualidade e explica a orixe do mesmo e as súas variantes. Ademais, dependendo do apelido, esta web permite ver non só canta xente o ten na actualidade, senón tamén cantos o compartían fai máis dun século, en 1880.
Forebears recompilou os apelidos a partir dos rexistros de censos de poboación dos países, directorios telefónicos, arquivos históricos nobiliarios, nacementos, vodas ou defuncións de todo o mundo. Por iso é polo que non sempre haxa datos correspondentes a 1880, dependerá sempre de se un país informatizou eses rexistros tan antigos.
En España, o Instituto Nacional de Estatística (INE) conta cunha ferramenta que permite saber, por exemplo, cantas persoas comparten o mesmo nome e apelidos.
Aquí podes consultar a web de Forebears e buscar o teu apelido
