Traxectoria prevista para o furacán Lorenzo por NHC Atlantic coa previsión con data 30 de setembro.

O furacán Lorenzo avanza cara a Europa pero esquivaría Galicia

O ciclón segue rumbo noroeste e os modelos predín que pasará entre Islandia e Irlanda como borrasca extratropical

Os modelos meteorolóxicos amósanse consistentes e o furacán Lorenzo semella que non afectará directamente a Galicia. Tras perder algo de forza e pasar de categoría 5 (a máis alta) á categoría 4, espérase que continúe con traxectoria noroeste, para pasar polos Azores e entre Islandia e Irlanda, probablemente xa como borrasca extratropical.

Traxectoria prevista para o furacán Lorenzo prevista por NHC Atlantic.

“Tanto o como o prognostican unha traxectoria de Azores a Islandia entre mércores e venres, moi afastado de Galicia. Aínda así seguimos vixiantes…”, explican dende Meteogalicia.

Este domingo, Lorenzo deixou unha imaxe para a historia: xamais un furacán de categoría 5 estivo tan preto de Europa. Pero a evolución deste ciclón fai pensar actualmente que non chegará a Galicia.

Polas mesmas datas, hai dous anos recibimos a influencia de Ofelia, tristemente recordado pola súa coincidencia coa gran vaga de incendios do 15 de outubro de 2017, xusto o momento no que os refachos de máis de 100 km/h, unidos ás altas temperaturas e á seca, ademais da actividade incendiaria, calcinaron centos de miles de hectáreas en Galicia e Portugal.

E o ano pasado foi a quenda de Leslie, que afectou en maior medida a Portugal, pero tamén deixou pegada, convertido en tormenta extratropical, ao longo de España.

Lorenzo, un furacán atípico que se dirixe cara a Europa

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.