As praias das rías de Muros e Noia e das Rías Baixas están cubríndose dun manto branco. Trátase de extensas capas de bólas de plástico que empezaron a aparecer o 15 de setembro. A Asociación Noia Limpa vén de informar que estas cantidadades de materiais foron identificadas en bolsas de 25 quilos co nome dunha empresa con sede en Polonia que perdeu a mercancía de seis contenedores preto de Viana do Castelo, en Portugal. A empresa é Bedeko Europe e é produtora e distribuidora de materiais plásticos.
A propia empresa deu o aviso da vertedura a mediados de decembro. Segundo informa a Asociación Noia Limpa, a entidade local que está a proporcionar información sobre estes eventos, descoñecen a cantidade de sacos que se perderon nin o que contiñan os demais. Estiman que recolleron sobre 52 bolsas, mais “seguen chegando” novas destes materiais dispersos por varias praias das Rías Baixas.
O mércores localizáranse cinco bolsas e moitas bolas de plástico por recoller dende Muros ata Ribeira. “Descoñecemos como está a situación no resto de Galicia”, apunta a organización.
As características destes materiais impiden limpalos de maneira correcta e para ser identificados é preciso empregar estabilizadores de luz ultravioleta. Noia Limpa, dende as súas redes sociais, trata de darlle visibilidade a este problema de contaminación que resulta perigoso para o medioambiente. Desta maneira, comparten mapas actualizados sobre a presenza destas verteduras nas costas galegas. Alertaron que nunha se producira unha dispersión tan grande, posto que xa houbo casos pero de menor intensidade.
