Luns 27 Maio 2024

Unha masa de aire polar desplomará os termómetros en Galicia

As temperaturas caen ata 10 graos a vindeira semana, quedando en valores baixos para a época do ano

Polo momento, non se está cumprindo o refrán ‘en abril, augas mil’. O tempo anticiclónico perdura na comunidade dende hai varios días con temperaturas que roldan os 30 graos. Nas xornadas pasadas acadouse récord de temperatura en Ourense ao chegar aos 33,9 graos, a máxima rexistrada o pasado venres 12 de abril na península. Con todo, esta tónica de verán chega á súa fin a vindeira semana coa chegada dunha masa de aire polar continental que lle roubará á calor ata dez graos ou máis. Agárdanse días tranquilos no meteorolóxico, posto que as predicións apuntan a que se manterán os ceos despexados ata o próximo venres, pero a primavera máis fresca volve a Galicia.

Este venres o territorio galego continúa baixo a influencia das altas presións centradas no oeste de Irlanda. As temperaturas ascenden e Ourense chegará aos 30 graos, cunha oscilación térmica de ata 21 graos de temperatura. As Rías Baixas marcarán sobre 27 graos e Santiago de Compostela 25. A Coruña é a provincia cos valores máximos máis baixos, non superará os 21 graos. As do sábado e o domingo serán unhas xornadas similares, aínda que descenderán minimamente as temperaturas.

Publicidade

De cara a vindeira semana continúa o tempo seco pero os termómetros empezarán a baixar. De feito, apunta MeteoGalicia que as temperaturas máximas serán baixas para a época do ano. A entrada de aire frío continental polar traerá días máis frescos e nalgunhas zonas da península traerá xeadas. Con todo, Marta Almarcha de eltiempo.es sinala que non nos atopamos ante unha “vaga de frío”, nin moito menos.

Esta fin de semana o anticiclón fortalécese sobre as Illas Británicas, polo que o suroeste de Europa “queda exposto” á entrada de aire frío dende o norte do continente. De maneira xeral, estes fenómenos non traen precipitacións. Con todo, é probable que volva a chuvia de cara a fin da vindeira semana no suroeste de Galicia. Mentres tanto, as praias da comunidade galega empezan a recibir os seus primeiros visitantes, que teñen aínda toda unha fin de semana de tempo seco e solleiro para desfrutar.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A iniciativa dun profesor universitario para frear a deterioración ambiental en Galicia

Óscar Briones pon o foco nos concellos e propón blindar o territorio para evitar o impacto negativo en zonas tensionadas como as Rías Baixas

A enerxía eléctrica foi a maior fonte de gases de efecto invernadoiro en Galicia en 2022

A actividade deste sector produciu 2,2 megatoneladas de emisións no territorio galego, cun forte impacto da empresa Repsol

O tempo cambiará de maneira radical en Galicia: volve a chuvia e caen as temperaturas 10 graos

A partir do luns, unha fronte fría asociada a unha borrasca atravesará a comunidade

A fronteira con Portugal é a área de Galicia con maior presenza do mosquito da malaria

O insecto leva anos na comunidade pero o parasito non está en circulación, polo que o risco de transmisión autóctona é baixo