Á espera dos datos definitivos, unha vez se contrasten os rexistros recollidos pola rede de estacións meteorolóxicas espalladas por Galicia, tanto a Axencia Estatal de Meteoroloxía (Aemet) como MeteoGalicia avanzaron este luns que o chuvioso mes de novembro deixou cifras de récord alomenos nunha cidade galega: Lugo. Nas estacións que Aemet posúe no aeródromo, e a da rede autonómica na capital, nunha chovera tanto nun mes de novembro, acadando novos máximos históricos de 338 e 305 litros por metro cadrado, respectivamente.
👉 Táboa de datos (provisionais) de precipitación acumulada en NOVEMBRO nos observatorios de Galicia con series longas (máis de 30 anos).
📢 En Lugo (aeródromo) bateuse a marca histórica, que databa do ano 2000. O resto de observatorios quedou “lonxe” dos rexistros máximos. pic.twitter.com/Kp2jejT8FP— AEMET_Galicia (@AEMET_Galicia) December 1, 2019
Con todo, a cidade da muralla non foi, a pesar do seu récord, o lugar de Galicia onde máis auga caeu. Segundo o avance provisional difundido nas redes sociais, no aeroporto de Vigo, en Peinador, chegouse aos 452 l/m2, aínda que lonxe dos 590 do ano 2000. E Santiago de Compostela e Pontevedra amosaron, do mesmo xeito, uns valores que chegaron a duplicar á Coruña e triplicar os de Ourense, tal e como indica a táboa baixo estas liñas.
Rematamos novembro con TODOS os días rexistrando chuvia nalgún punto de Galicia:
▶️Vigo, Santiago e Pontevedra rexistraron as maiores cantidades de chuvia, dobrando á Coruña e triplicando a Ourense
▶️Os 305 litros/m2 de Lugo supoñen un récord de precipitación nun mes de novembro pic.twitter.com/U4UlHRyvEi— MeteoGalicia (@MeteoGalicia) December 2, 2019
Tamén á espera da confirmación oficial, outros puntos de Galicia puideron ter superados rexistros do limiar de 700 litros por metro cadrado, marcando o que suporía unha das maiores cifras dos últimos casos. É a situación da estación de Fornelos de Montes, onde os datos falan de 732 l/m2.
Menos de 30 horas de sol en 30 días
Ademais da intensidade das chuvias, chamou á atención a súa continuidade; todos os días de novembro houbo rexistros de precipitacións nalgún punto de Galicia. Así, unha boa parte das estacións da Coruña e Lugo marcaron un pleno no calendario cos días de chuvia.
En relación a isto, chaman a atención tamén os datos debido ás poucas horas de sol, é dicir, os momentos no que os raios solares impactaban directamente na superficie sen topar coas nubes. Así, varias estacións meteorolóxicas, situadas na súa maioría en zonas montañosas con maior nubosidade, tiveron menos de 30 horas de sol en 30 días de mes, o que, de confirmarse, podería supoñer un novo rexistro mínimo neste parámetro.
O xeógrafo da USC Dominic Royé difundía este domingo a través da súa conta de Twitter un mapa que representaba a fracción media de nubosidade durante o mes. Tal e como se pode ver, a porcentaxe de tempo nuboso na maior parte de Galicia achegouse ao 100%, o que corresponde co pouco sol que se viu en moitas zonas do país.
Este noviembre 2019 ha sido extraordinariamente nublado. El 90% de la Península Ibérica ha vivido una nubosidad superior al 90% (lo normal serían 70%). #Noviembre2019 #clima pic.twitter.com/oPp1XkjwXU
— Dominic Royé (@dr_xeo) December 1, 2019
