Galicia rexistrou o quinto agosto máis cálido dende que hai rexistros

O último informe de Meteogalicia revela que a temperatura media do verán climatolóxico foi de 20 graos

O verán climatolóxico de 2024 en Galicia —correspondente aos meses de xuño, xullo e agosto— caracterizouse por ser moi cálido e normal en canto ás precipitacións. Así o revela o avance do informe de Meteogalicia que presentou esta mañá a conselleira de Medio Ambiente e Cambio Climático, Ángeles Vázquez. En concreto, a temperatura media dos últimos tres meses situose nos 20 graos, cunha anomalía nove décimas superior ao habitual. Así consta nos datos rexistrados en 11 das estacións máis representativas.

Máis polo miúdo, o mes de xuño foi normal ao rexistrar 17,9 graos de media —2 décimas máis do habitual—. Pola contra, xullo e agosto foron moi cálidos, con medias de 20,6 e 21,6 graos, respectivamente. No primeiro caso a anomalía media foi un grao superior ao normal, e no outro, de 1,6 graos máis do habitual. Nese senso, a conselleira indicou que foi o quinto agosto máis cálido desde que hai rexistros.

Publicidade

Xuño, o máis húmido

No que atinxe ás chuvias, a conselleira dixo que a precipitación media rexistrada entre as 16 estacións máis representativas foi de 103 l/m2, o que supón un 16% inferior ao que vén sendo habitual neste período, polo que se considera un verán normal.

Logo de subliñar que para atopar un verán máis seco teríamos que remontarnos a 2017, Ángeles Vázquez detallou que xuño foi un mes relativamente húmido —un 14% máis de precipitacións do agardado— mentres que xullo foi normal —1% inferior ao habitual—. En canto a agosto, rexistrou unha anomalía media un 71% inferior ao valor climatolóxico habitual, polo que se considera un mes moi seco.

Para concluír, a conselleira puxo en valor o traballo que desenvolve MeteoGalicia. De feito, incidiu en que preto de 600.000 persoas consultaron nalgún momento ao longo do verán a súa páxina web, chegando nalgunhas xornadas ás 30.000 visitas.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un río atmosférico regará Galicia a fin de semana e o aire polar baixará drasticamente as temperaturas

Meteogalicia acende a alerta laranxa no mar para xoves e venres por ondas que poden superar os cinco metros

Unha autopista de humidade acende en Galicia alertas laranxas e amarelas por chuvia e vento

A sucesión de borrascas atlánticas deixará máis de 50 l/m2 en menos de 12 horas no oeste da comunidade e refachos de ata 100 km/h

A borrasca subtropical Charles regará Galicia con fortes chuvias durante o mércores

A nova zona de baixas presións tomará o relevo de Bruna e MeteoGalicia establece a alerta amarela en Ourense por precipitacións

Galicia rexistra o mes de outubro máis seco dende 2007

O último informe climatolóxico de MeteoGalicia indica que a precipitación media acumulada foi un 79% inferior ao habitual no período