Modelo da ECMWF co furacán 'Helene' situado fronte a Galicia.

Modelo da ECMWF co furacán 'Helene' situado fronte a Galicia.

O furacán ‘Helene’ pode chegar a Galicia o luns 17 de setembro

O modelo do organismo europeo ECMWF sitúa ao ciclón fronte ás costas galegas, máis preto que o Ofelia en 2017

Mentres o furacán ‘Florence‘ avanza cara aos Estados Unidos, o seguinte na lista, o ‘Helene‘, podería dar a sorpresa. E dirixirse en dirección contraria cara a Europa, como aconteceu co furacán ‘Ofelia’ en outubro de 2017. E non é unha predición remota, senón que está feita polo organismo oficial europeo que publica os modelos meteorolóxicos a medio prazo. Trátase da ECMWF, unha organización intergubernamental participada por 21 países europeos e 13 estados asociados. E que, dende a súa sede en Reading (Reino Unido), din hoxe que existen serias probabilidades de que ‘Helene’ impacte contra as illas británicas e pase diante da costa de Galicia e Portugal.

Modelo de avance de 'Helene'.

Modelo de avance de ‘Helene’.

Os meteorólogos da ECMWF dan unha data: o vindeiro luns, 17 de setembro. Así aparece nos modelos dos que podemos ver diferentes mapas. ‘Helene’ está agora situado fronte ás costas de África, á altura de Cabo Verde, e a predición europea sinala que podería dirixirse cara ao Norte, barrendo a costa de Portugal e Galicia para dirixirse directamente ás costas de Francia e Reino Unido.

A predición a medio prazo non permite ter unha certeza. De feito, o Global Forecast System (GFS) do organismo dos Estados Unidos que fai estes modelos, apunta noutra dirección. Segundo o GFS, o furacán ‘Helene’ non se dirixirá cara a América, pero quedará situado no medio do Atlántico, estable nunha zona próxima ás illas Azores.

Modelo para Helene do GFS.

Modelo para Helene do GFS.

A posible chegada a Galicia de ‘Helene‘ recorda un fenómeno similar, o vivido co furacán ‘Ofelia’ en outubro de 2017. Aínda que finalmente non impactou contra as costas galegas, provocou un fenómeno meteorolóxico de fortísimos ventos, que unidos ás correntes de aire quente, contribuíron á vaga de incendios que se rexistrou no sur de Galicia, cunha importante devastación na área de Vigo e Baixo Miño.

Polo de agora, resta esperar a evolución das predicións. A medio prazo non existen certezas. Pero o modelo europeo di actualmente que o furacán ‘Helene‘ se dirixe a Galicia.

3 respostas a “O furacán ‘Helene’ pode chegar a Galicia o luns 17 de setembro”

  1. Lalo

    Alo Vicente:

    Si no se puede escribir que el Ofelia causó fortísimos vientos que hay que poner?

    Vientos más fuertes que el pedo de una lombriz?

    Saludos

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.