Un dos golfiños varados en Oia. Foto: CEMMA.

Un dos golfiños varados en Oia. Foto: CEMMA.

Varamento múltiple de golfiños en Oia

A CEMMA alerta da aparición de cetáceos xa mortos, nun verán que quintuplicou os varamentos en Galicia

Continúa un verán negro para o varamento de cetáceos nas costas de Galicia. As cifras multiplican por cinco a media de exemplares recollidos nas prais e cantís. En agosto foron 63 os recollidos pola organización CEMMA Cetáceos, mentres que no mesmo mes o habitual eran uns 12 varamentos, segundo a media rexistrada dende os anos 90 do pasado século.

Agora, semella que os datos de setembro van estar na mesma liña ascendente. Porque a CEMMA advertiu hoxe dun varamento múltiple de golfiños comúns xa mortos na costa de Oia, no sur de Galicia.

As razóns que analizan dende a CEMMA para este incremento están vencelladas ao retraso na chegada da primavera, que deixou abundante alimento durante o verán, o que atrae a maior número de exemplares de cetáceos. Aínda que este ano tamén son numerosos os varamentos de tartarugas e de quenllas.

Os membros da CEMMA agradecen a calquera persoa que detecte un animal mariño  varado que chamen ao 112 ou chamen ao teléfono da UNIMOBIL da CEMMA: 686989008.

Un golfiño varado. Foto: CEMMA.

Un golfiño varado. Foto: CEMMA.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.