Descuberta unha nova especie de microalga na costa galega

O dinoflaxelado vive en sedimentos areosos e non supón un risco para o marisco nin para a saúde humana

Un equipo do Instituto Español de Oceanografía (IEO) acaba de descubrir unha nova especie para a ciencia: unha microalga mariña detectada en sedimentos areosos das costas de Galicia e Cataluña. Segundo o estudo publicado na revista Phycologia, Thecadinium brassicum non produce toxinas coñecidas, polo que se descartan riscos para os mariscos ou, incuso, para a saúde humana. Esta nova especie forma parte do extenso grupo dos dinoflaxelados, tamén responsables da espectacularidade do mar de ardora e das mareas vermellas.

Os investigadores do IEO de Vigo realizaron o estudo en colaboración co Institut de Ciènces del Mar (ICM-CSIC) e o Instituto de Investigacións Mariñas (IIM). O traballo conxunto logrou probar a existencia desta microalga, ata o de agora descoñecida para a ciencia, a través de mostras de area de distintos puntos da costa atlántica galega e a catalá mediterránea. En Galicia recolléronse durante o verán e o outono de 2023 e durante a primavera e o outono de 2024 en varias praias da marxe sur da ría de Vigo: Patos, Fortiñón, Canido e O Vao. Os sedimentos analizados de Cataluña datan de 2015 e 2016.

Publicidade

Para confirmar a existencia desta nova especie, o equipo do IEO empregou técnicas de microscopía, análises xenéticas e estudos de pigmentos e toxinas. Os resultados mostraron que, pese ao parecido que ten a microalga Thecadinium brassicum con outras especies do seu xénero, ten diferenzas morfolóxicas evidentes, e tamén de ornamentación da súa superficie, o que a converten nunha especie única. Tamén revelaron os exemplares recollidos en Galicia son de menor tamaño que os cataláns.


Referencia: Thecadinium brassicum sp. nov. (Dinophyceae): a sand-dwelling species from the Atlantic and Mediterranean coast of Spain (Publicado en Phycologia)

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un estudo revela novas claves para anticipar as floracións tóxicas que afectan as rías galegas

Unha tese do IEO-CSIC afonda na bioloxía dunha microalga e nos factores ambientais que condicionan as súas proliferacións

Documentadas por primeira vez en Galicia dúas especies mariñas de augas cálidas

A detección de cinco sardinelas lombudas e un ermitán vermello grande aporta nova evidencia sobre os cambios na distribución de especies no Atlántico

Beatriz Novoa: “Foi un exemplo de tenacidade e esforzo”

A actual directora do IIM, Beatriz Novoa, lembra a Científica Galega do Ano e analiza os retos que ten por diante o instituto no seu 75 aniversario

Vigo rexistra as maiores concentracións de “contaminantes eternos” da costa atlántica peninsular

Un estudo do IEO-CSIC analiza a presenza de PFAS en mostras de moluscos recollidos dende Francia ata o Golfo de Cádiz