As fortes precipitacións e o frío intenso deixan un aviso amarelo por neve na montaña da provincia de Lugo. A Axencia Estatal de Meteoroloxía (Aemet) lanza esta advertencia dende as 11 horas deste martes 22 de xaneiro ata as 00.00 horas do mércores 23, con acumulacións de neve de cinco centímetros en cotas superiores aos 900 metros.
As cámaras de Meteogalicia xa amosan fortes precipitacións en forma de neve nos Ancares. E a axencia meteorolóxica galega tamén emitiu un aviso por esta circunstancia.
Ademais, hai aviso laranxa no mar na costa de Lugo e da Coruña por fenómenos costeiros derivados da ondada e dos fortes ventos, mentres que o aviso é amarelo na costa de Pontevedra.
Aquí podes consultar os avisos meteorolóxicos previstos por Meteogalicia
