Galicia atravesa unha situación de estabilidade atmosférica que sufrirá un pequeno paréntese na madrugada deste mércores. Unha fronte pouca activa entrará polo noroeste peninsular e deixará precipitacións, pero as altas presións non tardarán en achegarse de novo a Galicia e xa de cara ao xoves a comunidade recupera a influencia anticiclónica. As temperaturas ascenderán progresivamente e agárdase unha fin de semana e un Nadal con ceos despexados e tempo seco, con temperaturas suaves nas horas centrais do día.
Coa chegada da fronte e da chuvia, as temperaturas mínimas ascenderán e descenderán as máximas. Durante a madrugada, as precipitacións irán xeneralizándose pero e remitirán entrado o día. Na mañá do mércores, as altas presións toman o relevo aínda que se agarda un día de ceos nubosos con chuvias débiles no norte. Segundo explica MeteoGalicia, o xoves recupérase a influencia anticiclónica pero con ventos do norte que arrastran unha masa de aire húmida. Así, agárdanse ceos cubertos e precipitacións ocasionais no litoral noroeste.
Esta fronte, tralo paso por Galicia, estenderase pola península onde deixará neve na cordilleira Cantábrica e Os Pirineos. Polo momento, non se agardan nevadas na comunidade. Despois desta pequena borrasca, achégase un ‘potente anticiclón’, apuntan dende eltiempo.es, que brindará estabilidade atmosférica para Noiteboa e Nadal. Deste xeito, a partir do venres agárdase que as temperaturas ascendan lixeiramente. As máximas nalgunhas provincias poderán chegar aos 16 graos e as mínimas serán máis altas en comparación cos días iniciais da semana.
De cara a vindeira semana, agárdase tempo anticiclónico o luns e o martes, pero todo apunta a que entrará unha fronte que deixará chuvias os días seguintes. As temperaturas baixarán a partir do domingo.
Nebadas????