Rematou o anormal período de bo tempo e altas temperaturas en Galicia, inusual no mes de febreiro, e a meteoroloxía volve ser a propia destas datas. A borrasca Freya, bautizada pola Met Office, afectou a Galicia dende este domingo, caracterizada por fortes ventos e choivas en todo o país.
Meteogalicia mantén avisos amarelos por ventos por riba dos 100 quilómetros por hora na Mariña lucense e no Oeste da Coruña, ademais de avisos amarelos por choiva na parte noroccidental da comunidade.
Ademais todo o litoral galego estará o luns baixo aviso laranxa por ventos e forte ondada, con ondas que chegarán a superar os 8 metros.
O panorama para os vindeiros días será semellante, con choivas xeralizadas en todo o país que poñen fin a un periodo anormal no que se bateron varios records de temperaturas máximas.
Aquí podes ler o boletín de avisos meteorolóxicos de Meteogalicia
