Tras un mes de xuño máis frío do común e un comezo de xullo con fortes treboadas, chegan unha forte suba das temperaturas a Galicia que de feito obriga a declarar o aviso amarelo en Ourense e no sur da provincia de Pontevedra vixente ata o vindeiro venres. O responsable deste calor cos termómetros por riba dos 30 graos será unha masa de aire africano que xa penetra na península Ibérica e alcanza o noroeste.
Meteogalicia ten declarado aviso amarelo por calor na conca do río Miño, tanto en Ourense como en Pontevedra, con temperaturas por riba dos 34 graos entre as 15 e as 21 horas deste xoves, e tamén este venres ás mesmas horas.
O venres, o aviso amarelo afectará a todo o sur de Ourense, onde se espera que as temperaturas poidan estar en torno aos 40 graos, con 38 por exemplo na capital ourensá.
Chamarán tamén a atención este venres as máximas de 35 graos en Pontevedra e de 34 na cidade de Vigo.
A calor comezará a remitir a partir do sábado, pero aínda manténdose en valores altos, segundo informa Meteogalicia.
