A chegada de fortes choivas cunha cicloxénese explosiva deixa avisos amarelos para este venres en Galicia, localizados nas provincias da Coruña e de Pontevedra, ademais de na montaña de Ourense. A borrasca prevista recibe a calificación de ‘cicloxénese explosiva‘ ao baixar a súa presión máis de 20 milibares en 24 horas.
A fronte fría asociada a unha profunda borrasca centrada ao oeste de Irlanda chegará a Galicia durante esta xornada. Así, os ceos permanecerán cubertos, con chuvias que durante a mañá se rexistrarán na metade oeste e co avance do día iranse intensificando e chegarán a toda a Comunidade, podendo ser localmente treboentas.
En principio, a situación borrascosa vaise manter no tempo. Toda a fin de semana será de choivas intensas e Galicia permanecerá durante a primeira semana de novembro na influencia das borrascas atlánticas, con entrada sucesiva de frontes que deixarán alta probabilidade de precipitación en xeral. As temperaturas irán en progresivo descenso, con posibilidade de precipitación en forma de sarabia e neve nas zonas altas.
Aquí podes consultar o boletín de avisos amarelos de Meteogalicia
