Venres 29 Marzo 2024

A borrasca Fien baixa a cota de neve aos 300 metros e pon en alerta vermella ao litoral

A situación máis adversa virá pola tarde en toda Galicia e provocará un forte descenso das temperaturas

As borrascas Gerard e Fien provocarán que toda Galicia estea este martes en risco importante ou risco extremo por vento, fenómenos costeiros, neve ou choivas, segundo vén de informar a Axencia Estatal de Meteoroloxía (AEMET).

A Dirección Xeral de Emerxencias e Interior da Vicepresidencia Segunda da Xunta de Galicia vén de activar unha alerta vermella por temporal costeiro no litoral da provincia da Coruña. Segundo a AEMET, o fenómeno meteorolóxico adverso de nivel vermello comezará a media tarde da xornada deste martesna costa oeste e noroeste da Coruña.

Publicidade

Agárdase mar combinado do noroeste con ondas de ata nove metros. Cómpre lembrar que xa na xornada de este luns rexistráronse en todo o litoral galego un fenómeno meteorolóxico de nivel laranxa que continuará hoxe con ondas de ata 8 metros.

A alerta por temporal costeiro súmase á laranxa por nevaradas que xa foi tamén activada para mañá nas zonas de montaña das provincias de Lugo e Ourense, e á amarela no interior da Coruña; na Mariña lucense e no centro e sur de Lugo; nas zonas do noroeste, sur e Valdeorras e no interior da provincia de Pontevedra. Por este motivo, lémbrase que se suspende o transporte escolar toda a xornada do martes nas montañas de Lugo e Ourense e durante a tarde nas zonas do interior da Coruña, interior de Pontevedra, centro de Lugo, sur de Lugo, noroeste de Ourense, sur de Ourense e Valdeorras

O temporal de vento e choiva, que deixou este luns case 250 incidencias en Galicia, empeorará este martes coa caída prevista das temperaturas e o descenso da cota de neve até situarse, conforme avance a xornada, en 300 metros.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha DANA trae aire africano a Galicia e dificulta a predición para Semana Santa

Esta fin de semana agárdase tempo seco na comunidade pero a partir do luns aumentan as probabilidades de chuvia

A primavera arrinca cun potente anticiclón que disparará os termómetros ata os 27 graos

Este luns entra aire frío en altura e pola tarde choverá con carácter tormentoso no interior da comunidade

Galicia vivirá unha primavera “máis cálida do normal”

Segundo a AEMET, as temperaturas invernais estiveron 1,8 graos por enriba da media habitual para esta época do ano

Unha masa de aire subtropical elevará os termómetros en Galicia ata os 21 graos. Canto vai durar?

A partir do xoves agárdase a entrada de novas borrascas atlánticas que deixarán precipitacións no oeste da comunidade