Martes 5 Marzo 2024

Os renovados vídeos do famoso parto da Domus chegan ao museo coruñés

Despois de 27 anos, a popular gravación que impactou a centos de estudantes actualiza as súas imaxes

O famoso vídeo do parto da Domus, un dos elementos icónicos deste museo coruñés, acaba de actualizarse. En 1995 abríase por primeria vez esa sala, onde se reproducía a viral gravación do nacemento dun neno, vídeo que ao longo dos seus 27 anos de existencia espertou sentimentos e sensacións de todo tipo, dende o rexeitamento á fascinación. A súa renovación, que manterá a esencia da proposta orixinal, supón un fito moi importante para a cidade. Por unha banda porque se renova a aposta por achegar a público de todas as idades os detalles dun proceso biolóxico polo que pasamos todos, e que ten lugar case 400.000 veces cada día por todo o planeta.

Pero xunto a esa dimensión biolóxica, o parto ten tamén unha dimensión social, xa que ao nacer pasamos a formar parte dunha familia e dunha sociedade, así como unha dimensión emocional para as persoas que están vinculadas ao bebé, empezando pola nai, e que se estende ao resto da familia, amizades e o persoal sanitario. Neste sentido, o parto da Domus é tanto unha celebración da vida como unha invitación para reflexionar sobre o amor, os vínculos familiares ou os dereitos da infancia.

Publicidade

Dous nacementos novos na Coruña

No novo módulo da Domus pódense ver as imaxes de dous nacementos. É un momento único no que se mesturan a dor, a alegría e a emoción. A experiencia varía dunha muller a outra, dependendo da sensibilidade, as expectativas e a contorna que a rodea. Para o bebé, o propio nacemento é un acontecemento dunha intensidade extraordinaria. O choque de adrenalina contrarresta a falta de osíxeno na etapa final e prepara ao bebé para o cambio repentino á respiración cos seus pulmóns.

Un dos nacementos que podemos ver na Domus foi cedido polo Servicio Galego de Saúde e tivo lugar no Hospital Materno-Infantil Teresa Herrera da Coruña. O segundo parto foi cedido pola produtora Vaca Films, e tivo lugar no Hospital Quirónsalud da Coruña. Este último forma parte das imaxes rodadas para a película Quien a hierro mata, protagonizada por Luís Tosar.

Os directivos da Domus coinciden en que a proxección do ano 1995 dun parto explícito, en aberto e para todos os públicos, supuxo unha novidade e un impacto que ata entón ningún museo mostrara da mesma forma. O parto daquel neno converteuse nun dos atractivos do museo e marcou decenas de xeracións de estudantes que durante os últimos 27 anos pasaron por aquela sala de visionado. As novas gravacións pretenden seguir os pasos do pioneiro parto da Domus, educando e ensinando aos máis novos á diversidade deste proceso biolóxico.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Científicos galegos participan no primeiro mapa español de bacterias resistentes aos antibióticos

A base de datos en liña proporciona o perfil xenómico de 461 cepas, procedentes de 41 hospitais situados en 13 rexións de España

O planetario da Casa das Ciencias estrea unha proxección para público infantil

Un filme con dous esquíos como protagonistas ensinaralle os nenos de 4 a 7 anos as condicións de vida doutros planetas do sistema solar

As infeccións de transmisión sexual entre menores de 18 anos medran un 37% en España

O XIV Congreso Nacional GeSIDA celebrado na Coruña reúne a centos de expertos que debatirán sobre os avances e retos no ámbito do VIH

Os Museos Científicos Coruñeses programan do 11 ao 19 de novembro a Semana da Ciencia

Co obxectivo de atender a elevada demanda de visitas, este ano prolónganse durante dúas fins de semana as celebracións da Semana da Ciencia