Entrada gratuíta no Día dos Museos para a Domus, Casa das Ciencias e Aquarium

Os tres recintos estarán abertos ao público xeral dende as 10 horas ata as 19 horas do sábado, cunha ampla oferta de actividades

O 18 de maio, con motivo do Día Internacional dos Museos, a entrada será gratuíta no Aquarium Finisterrae, Casa das Ciencias e Domus con aforamento limitado. Os Museos Científicos Coruñeses estarán abertos ao público xeral dende as 10:00 horas ata as 19:00 horas do sábado.

Máis polo miúdo, para visitar o Aquarium Finisterrae será imprencindible realizar unha reserva de entradas, que poderá realizarse a partir do mércores 15 de maioPara facilitar o acceso ás persoas maiores de 65 anos, estas poderán acceder sen reserva. No que respecta á Domus, a entrada será libre e non precisará reserva previa. A visita ás salas de exposicións da Casa das Ciencias será libre, pero para asistir a unha sesión de Planetario haberá que reservar entradas, tamén a partir do 15 de maio.

Publicidade

Haberá as seguintes sesións:

  • 11:30 h. Lévame á Lúa (+10 anos, galego)
  • 13:00 h. Más allá del Sol (6-12 anos, castelán)
  • 17:00 h. Hazelnuts, na procura do planeta perfecto (de 4 a 7 anos, galego)
  • 18:00 h. Programa en directo sobre o ceo desta época do ano (+10 anos, cast/gal)

Axenda de actividades

A celebración deste Día Internacional non é a única actividade que ofertan os Museos Científicos Coruñeses. Os luns, mércores e venres, o público do Aquarium Finisterrae ten a oportunidade de ver como os traballadores alimentan os peixes de maior tamaño que viven na sala Nautilus. No horario das 11:30 horas e ata o 30 de xuño de 2024, os asistentes poderán ver esta actividade coa entrada ao Aquarium e sen custos adicionais.

Este museo, de feito, incorporou a comezos de ano unha nova actividade dirixida ás persoas que visitan o centro: os Monólogos do Aquarium. Trátase de charlas breves, duns 10 minutos, sobre a bioloxía e curiosidades dalgunhas das especies máis populares do museo, ofrecidas polo persoal de atención ao público. Esta actividade nace do interese mostrado polos visitantes por preguntar e afondar nunha gran diversidade de cuestións. Celébranse os sábados e domingos de 13:00 a 18:00 horas —agás o 18 de maio e 24 de xuño— ata o 30 de agosto de 2024.

Por outro lado, na Casa das Ciencias haberá dúas sesións gratis de planetario os últimos sábados de cada mes, é dicir, os días 25 de maio, 29 de xuño, 27 de xullo e 24 de agosto. Baixo o nome O ceo está máis preto do que pensas, a actividade ten entrada gratuita, mais é necesario retirar unha invitación na recepción do museo. Hai dúas sesións:

  • 11:30 h. O ceo para informados. Sesión en directo para maiores de 14 anos, destinada a un público afeito a observar o ceo nocturno e con coñecementos previos, cunha Postal planetaria a cargo de Borja Tosar, astrofísico colaborador dos Museos Científicos Coruñeses.
  • 13:00 h. O ceo do mes. Sesión en directo para maiores de 10 anos destinada a mostrar os detalles do ceo do mes entrante a público principiante.

Podes reservar as entradas do Aquarium Finisterrae para o Día Internacional dos Museos nesta ligazón.

Podes reservar as entradas da sesión de Planetario da Casa das Ciencias para o Día Internacional dos Museos nesta ligazón.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Visita guiada no Aquarium polo Día Internacional da Diversidade Biolóxica

O persoal educador do centro coruñés guiará aos visitantes nunha experiencia que terá a biodiversidade mariña como tema principal

Os Museos Científicos Coruñeses celebran o Día da Ciencia na Rúa cunha xornada de portas abertas

O Parque de Santa Margarida será o epicentro das actividades nas que participarán un milleiro de estudantes e profesores de 54 centros educativos

Un cento de persoas participan na Domus nun congreso científico para estudantes

Os catro gañadores do evento poderán gozar dunha estancia de dúas semanas xunto a grupos de investigación da UDC

O Aquarium Finisterrae reforma o sanatorio de focas: “Combinaremos todas as necesidades ambientais”

O museo coruñés remodela no seu 25 aniversario a área de curación dos animais mariños