As carpas do Día da Ciencia na Rúa 2018. Foto: AACC.

A Coruña celebrou o Día da Ciencia na Rúa

A Coruña é unha cidade de ciencia, e este sábado volveu demostralo. O Parque de Santa Margarida, onde se inaugurou hai máis de 30 anos a Casa das Ciencias, marcando un antes e un despois na divulgación científica en Galicia, acolleu o 23º Día da Ciencia na Rúa.

Centos de nenos e mozos de máis de 40 centros educativos aprenderon divertíndose. E ademais, os tres museos científicos (Casa das Ciencias, Domus e Aquarium), xunto co Muncyt, o museo arqueolóxico, a Torre de Hércules e a Fundación Gas Natural Fenosa, teiveron as portas abertas a todo o público, de xeito libre e gratuíto, desde as 11 ata as 19 horas.

A Casa das Ciencias cumpría o seu 30 aniversario.
A Casa das Ciencias cumpría o seu 30 aniversario.

Houbo tamén presenza de institucións como a Escola de Enxeñaría de Camiños, Canais e Portos ou a Facultade de Ciencias da UDC, O Centro Oceanográfico da Coruña, o Inibic, o Servizo Municipal de Educación, a Axencia Galega de Doazón de Órganos ou o Muncyt, nos que tamén se explicaron os traballos que desenvolven no seu día a día.

En canto á parte máis lúdica houbo, entre outros atractivos, un xadrez xigante de 3×3 metros, animación con xigantes e cabezudos, un concerto da Banda Municipal de Música, espectáculos teatrais, obradoiros de cestería, grafiti e arte urbana, deseño de produtos electrónicos, radio, e xogos tradicionais.

A actividade foi organizada polo Concello da Coruña, os Museos Científicos Coruñeses e a Asociación de Amigos Casa das Ciencias, que precisamente este ano cumpre o seu 25º aniversario.

Obradoiro científico no Día da Ciencia na Rúa. Foto: AACC
Obradoiro científico no Día da Ciencia na Rúa. Foto: AACC

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.