Aventura coas focas é un taller de divulgación científica no que as persoas participantes visitarán a cociña do Aquarium Finisterrae da Coruña, participarán na preparación dos alimentos e accederán ás plataformas exteriores onde se alimenta e revisa o estado destes mamíferos mariños. O pasado luns abriuse a reserva de entradas para as sesións de xuño, as últimas deste curso escolar para unha actividade que se retomará en outubro.
A actividade está dirixida a maiores de 7 anos, que deberán acreditar a súa idade con DNI ou fotografía do libro de familia onde figure o nome e a data de nacemento. Os nenos e nenas deberán ir acompañados durante toda a actividade por unha persoa adulta que se fará cargo dun máximo de dous menores. Esta actividade do acuario dos Museos Científicos Coruñeses non ten custo engadido ao prezo que cada visitante deba abonar para entrar no recinto, pero require a reserva de entradas para todas as persoas participantes.
Polas características da actividade, ofértanse só 12 prazas en cada sesión. En xuño haberá 8 sesións, o que supón un total de 96 prazas.
A reserva de entradas poderá realizarse nesta dirección:
👉 https://ticketing.coruna.gal/
Un xantar coas focas, os mamíferos mariños de ollos chorosos
