O Instituto Galego de Estatística (IGE) publica os nomes de neonatos galegos correspondentes ao ano 2025: Mateo e Sofía repetiron como os máis empregados para quen naceu en Galicia durante o ano pasado. Respecto ao 2024 hai nomes que collen forza: é o caso de Hugo, Lucas ou Manuel no caso dos nenos, e Olivia, Mia e Valeria. Tamén ocorre o caso contrario, no que nomes como Lucas, Leo, Martina e Lucía baixan na táboa.
A listaxe, que contén cincuenta nomes ordenados de maior a menor frecuencia, sinala que os cinco máis empregados en nenos foron Mateo, Martín, Hugo, Lucas e Leo, e no das nenas Sofía, Vega, Noa, Olivia e Martina. No ano 2024, Sofía tamén ocupou o primeiro posto dos nomes femininos, seguido de Vega e Noa; en canto aos nomes masculinos, Mateo foi o nome máis empregado, acompañado de Martín e Leo.
Ademais, o IGE dispón na súa páxina web de información relativa aos nomes e apelidos da poboación que reside en Galicia atendendo á súa
distribución municipal, concello e década de nacemento. Por exemplo, con datos a 1 de xaneiro de 2025, actualizados hoxe, os nomes máis frecuentes son, por orde, Manuel, María Carmen, José, María e José Manuel.
Os 20 nomes máis empregados en 2025
Nenos
—Mateo
—Martín
—Hugo
—Lucas
—Leo
—Manuel
—Enzo
—Roi
—Luca
—Gael
—Liam
—Marco
—Antón
—Daniel
—Nico
—Thiago
—Xoel
—Nicolás
—Pablo
—Mauro
Nenas
—Sofía
—Vega
—Noa
—Olivia
—Martina
—Mia
—Valeria
—Lara
—Lía
—Julia
—Lucía
—Alma
—Valentina
—Gala
—Daniela
—Candela
—Sara
—Lua
—Sabela
—Lola
