O arquitecto xaponés Arata Isozaki, autor xunto a César Portela da fachada da Domus da Coruña, é o gañador do premio Pritzker, o cualificado como ‘Nobel’ da Arquitectura polo seu prestixio. Isozaki, de 87 anos. O anuncio eloxia a Arata Isozaki por “sobrepasar o marco da arquitectura para abrir cuestións que trascenden épocas e fronteiras”.
Na información que acompaña ao anuncio do premio Pritzker para Isozaki, destácase a Domus, tamén coñecida como Casa do Home, como unha das súas obras máis relevantes.
Non é a primeira ocasión na que o Pritzker recaen en autores con obras realizadas en Galicia. En 1992 recibiuno Álvaro de Siza, que proxectou os edificios da Facultade de Comunicación ou o Centro Galego de Arte Contemporáneo en Santiago de Compostela. Outro Pritzker, Norman Foster (recibiuno en 1999) deseñou o proxecto inicial da intermodal de Ourense, aínda sen construír.
A Domus, inaugurada en 1995, foi o segundo dos tres Museos Científicos Coruñeses, e é o primeiro museo interactivo do mundo dedicado ao ser humano. Conta con máis de 150 módulos para gozar aprendendo sobre as características do xénero Homo.
